رویترز آژانسی آگاه ایکی منبع‌دن نقل قیلیب گزارش بیریشیچه، دنیا بانکی ساغلیق، ایکینچیلیک و حیات نینگ بیرینچی نیازلری بولگن اوچ پروژه‌نی قیته‌دن باشله‌گن، بیراق تعلیم لایحه‌لری اوچون ۱۵۰ میلیون دالرگه یقین مبلغ‌نی سقله‌یدی.
آمریکا قوشمه ایالت‌لری مالیه وزیرلیگی نینگ ایتیشیچه، افغانستان نینگ قیته قوریش صندوقی و اوشبو صندوق نینگ بویوک حمایتچیلری جمعه کونی، افغانستان نینگ اقتصادی وضعیتی‌گه دایر ییغین اوتکزیشی ممکن.
بیزلرنینگ فیسبوک صحیفه‌میزگه باش اورینگ!
گزارش‌گه بناً، اوشبو ییغینده پول خلق‌ارا صندوقی، اسلامی ترقیات بانکی نینگ نماینده‌لری و افغانستانده بیرلشگن ملت‌لر تشکیلاتی نینگ اورین باسرلیک هیأتی یا یوناما اشتراک ایتیش‌لری کوتیله‌دی.
دنیا بانکی مارچ آیی‌ده، آلتینچی صنف‌دن یوقاری قیزلر نینگ مکتب‌لری یاپیق قالیشی‌گه دایر اسلامی امارت نینگ قراری‌گه عکس‌العمل کورسه‌تیب، ۶۰۰ میلیون دالرلیک تورت پروژه‌نی توخته‌تدی. یالغیز افغانستان نینگ معارفی ۱۵۰ میلیون دالر مبلغ بیلن اوشبو پروژه‌لر نینگ بیر بولیمی‌دیر که حاضرگچه باشلنمه‌گن.
بو عین‌حالده، دنیا بانکی اوتگن هفته افغانستان نینگ اقتصادی وضعیتیدن خواطر بیلدیریب، اسلامی امارت افغانستانده حاکم بولیشیدن کیین ۲۰۲۱ ییل نینگ سونگی تورت آیی‌ده، درآمد اوچ‌دن بیر فایز کمه‌یگنینی بیلدیرگن.
بیزلرنینگ توییترده هم تعقیب قیلینگ!
مذکور بانک نینگ کوپه‌یتیریشیچه، افغانستانده قریب ۳۷ فایز عایله‌لر ییگولیک ماده ساتیب آلیش اوچون پولی یوق و ۳۳ فایز عایله‌لر یالغیز ییگولیک ماده ساتیب آلیش گه قادر.
ایتیش کیره‌ک که، اسلامی امارت افغانستانده حاکم بولیشی و خارجی یاردم‌لر کیسیلیشی بیلن، اوشبو مملکت‌ده اقتصادی بحران کونسه‌یین آغیرلشماقده و گزارش‌لر اساسیده، ۹۷ فایز اهالی نینگ ییگولیک ماده‌لری یوق دیر.
