مالیه وزیرلیگی بوگون بیر اعلامیه ترقه‌تیب ایتیشیچه، قویاش ۱۴۰۱- ییل بودجه‌سینی وزیرلر کینگشی نینگ مصوبه‌سی و اسلامی امارت رهبری نینگ تصدیقی اساسیده ترتیب و اعلام قیلگن.
مذکور وزیرلیک ۱۴۰۱- مالی ییل بودجه‌سینی ۲۳۱ میلیارد افغانی دیگن که اوشبو مقدار پول‌دن قریب ۲۰۳ میلیاردی عادی بودجه و ۲۷.۹ میلیاردی ترقیاتی بودجه‌دن عبارت دیر.
بیزلرنینگ فیسبوک صحیفه‌میزگه باش اورینگ!
مالیه وزیرلیگی نینگ اعلامیه‌سیده کیلیشیچه، اوشبو ییل بودجه‌سی ایچکی درآمدلر و تشقی مالی حمایت سیزلیک بیلن ترتیب لنگن.
اوشبو وزیرلیک نینگ ایتیشیچه، جاری ییل نینگ بودجه‌سی ۴۴ میلیارد افغانی آز دیر. شو بیلن بیرگه مالیه وزیرلیگی، ترتیب‌لنگن مالی پلان اساسیده «ییل یکونیگچه اوز غایه‌لریمیزگه» ایریشه‌میز دیگن.
اوتگن ییلی، ۱۴۰۰- ییل بودجه‌سی محمداشرف غنی دولتی و ملی کینگش اعضالری آره‌سیده کوپ جنجل‌لردن کیین تصدیقلندی.
بیزلرنینگ توییترده هم تعقیب قیلینگ!
۱۴۰۰-ییل اوچون افغانستان نینگ ملی بودجه‌سی، ۴۷۳ میلیارد افغانی ایدی که ۳۱۱ میلیاردی عادی بودجه و ۱۶۱ میلیاردی ترقیاتی بودجه‌دن عبارت ایدی.
اوشبو بودجه نینگ ۲۱۶ میلیارد افغانی افغانستان نینگ ایچکی منبع‌لری و قالگنی ایسه تشقی یاردم‌لر آرقه‌لی تامینلندی. سابق دولت مالیه وزیرلیگی، ۱۴۰۰-ییل اوچون افغانستان بودجه‌سی نینگ کسری‌نی ۳۷ میلیارد افغانی اعلام قیلگن ایدی.
