افغانستان تشقی ایشلر وزیرلیگی سوزلاوچیسی نینگ اورین باسری ضیااحمد تکل تویتر صحیفه‌سیده، بوگون (جمعه، ۱۵-ثور) اوشبو وزیرلیک سرپرستی امیر‌خان متقی ریاستی گه، سیاسی_تجاری بیر هیئت نینگ پاکستان تامان کیتگنی نی بیان قیلگن.
تشقی ایشلر وزیرلیگی سوزلاوچیسی نینگ اورین‌باسری تویتر صحیفه‌سیده یازیشیچه، اوشبو هیئت پاکستان رسمی‌لری بیلن ایکی تامانلمه سیاسی_تجاری علاقه‌لر، منطقه‌وی برقرارلیک و ترانزیب مسئله‌لری خصوصیده صحبت قیلیش‌لری ممکن.
بیزلرنینگ فیسبوک صحیفه‌میزگه باش اورینگ!
تکل نینگ کوپه‌یتیریشیچه، تشقی ایشلر وزیرلیگی سرپرستی افغانستان، چین و پاکستان تشقی ایشلر وزیرلری نینگ آلتینچی اوچ‌تامانلمه ییغینی گه هم شرکت قیلیشی ممکن.
شونینگدیک تشقی ایشلر وزیرلیگی سوزلاوچیسی اورین‌باسری نینگ اورغولشیچه، افغانستان و چین تشقی ایشلر وزیرلری آره‌سیده هم ایکی تامانلمه ییغین یولگه قوییلیشی ممکن.
