افغانستان مسئله‌سی ۱۶-حوت، چهارشنبه کونی بیرلشگن ملتلر تشکیلاتی خوفسیزلیک کینگشی ییغیلیشی و اوشبو تشکیلات تامانیدن ترقه‌لگن گزارش ده ېنه بیر مراتبه بحث گه آلینگن.
بیرلشگن ملتلر تشکیلاتی باش کاتبی آنتونیو گوترش نینگ فصلی گزارشی اوتگن کون ترقه‌لدی، افغانستان‌ده انسان حقلری احوالی و اسلام امیرلیگی نینگ حکومتدارلیگیدن خواطر بیلدیریلگن.
اوشبو گزارش ده، اسلام امیرلیگی نینگ قوراللی مخالف گروه‌لری ۲۰۲۳-ییل ده سرپرست حکومت نینگ توسقین‌لیکّه دوچ قیله آلمه‌گنلیگی قید اېتیلگن بولسه ده، بیراق بیرلشگن ملتلر تشکیلاتی اوشبو ییل افغانستان‌ده بیر مینگ ۸۰۵ امنیتی واقعه نی ثبت قیلگن که اۉتگن ییل گه نسبتن ۳۸ فایز آشگن‌لیگی اوستیگه تاکید اېتیلگن.
بیزلرنینگ فیسبوک صحیفه‌میزگه باش اورینگ!
بیراق اسلام امیرلیگی بو گزارش نی مغرضانه و بیرلشگن ملتلر تشکیلاتی آتیدن فایده‌لنیش عنوان قیلیب ایتیشیچه، بو تشکیلات اۉز گزارشی ده اسلام امیرلیگی حربی کوچلری نینگ بنگی‌وار ماده‌لر قاچاقچیلری گه قرشی عملیات‌لرینی ناتینچ‌لیک واقعه حسابله‌گن.
اسلام امیرلیگی سۉزلاوچیسی اۉرین باسری حمدالله فطرت گه کوره: «بوندن بیللی بوله‌دی که بیرلشگن ملتلر تشکیلاتی بو آت دن فایده‌لنیب و اهالی میه‌سینی چلغیتیش گه مصروف دیر و امنیت نی ناتینچ‌لیک تعبیر قیله‌دی. بو استخباراتی انیق دایره‌لر و مغرض تامان‌لر تامانیدن اسلام امیرلیگی اۉستیگه باسیم کېلتیریش اقدام دیر.»
شو بیلن بیرگه ایش بیلرمان‌لر نینگ ایشانچی گه کوره، بیرلشگن ملتلر تشکیلاتی خوفسیزلیک کینگشی افغانستان نینگ حاضرگی قلتیس احوالی دن خواطر بیلدیرماقده و اسلام ایمرلیگی بو معمالر حلی اوچون تلاش قیلیشی کېره‌ک.
بیزلرنینگ «ایکس» ترماغی ده هم تعقیب قیلینگ!
خلق‌ارا مناسبت‌لر ایش بیلرمان محمدباقر محسنی نینگ ایتیشیچه: «اسلام امیرلیگی افغانستان احوالینی باشقریشی و افغانستان‌ده سیاسی تېزیم‌لرینی مستحکم‌لش اوچون بعضی فکتورلر جمله دن عیاللر نینگ تعلیمی و همه‌شمول حکومت شکللنیش اېستک‌لر گه تن بیریشی درکار.»
باشقه تاماندن، ایش بیلرمان‌لردن بیرقطاری نینگ ایشانچی گه کوره، اۉتگن کون یولگه قوییلگن ییغیلیش و بیرلشگن ملتلر تشکیلاتی باش کاتبی نینگ گزارشی اسلام امیرلیگی فایده‌سی گه دیر.
شونینگدیک اولر، بیرلشگن ملتلر تشکیلاتی خوفسیزلیک کینگشی و اوشبو تشکیلات نینگ گزارشی ده‌گی خواطرنی سۉنگی ایکّی ییل ایچیده نیچه مراتبه بیان بولگن خواطر بیله‌دیلر.
خلق‌ارا مناسبت‌لر ایش بیلرمان ولی فروزان نینگ کوپه‌یتیریشیچه: «انسان حقلری مسئله‌سی و انسان حقلری نقض اېتیلیشی، افغانستان حقیده کېلیشماوچیلیکّه سبب بولگن مورد دیر، لېکن باشقه مملکتلر حقیده کېلیشگنلر، برچه مملکتلر اسلام امیرلیگی بیلن مناسبت قوریب و همکارلیک قیلیشنی اېسته‌یدی شونی اوچون خوفسیزلیک کینگشی نینگ ییغیلیشی و گوترش گزارشی طالبان فایده‌سی گه اېدی، آچیقله‌گنلر.»
ایتیش کېره‌ک، بیرلشگن ملتلر تشکیلاتی خوفسیزلیک کینگشی اۉتگن کون ییغیلیش یولگه قوییدی، بو ییغیلیش ده انسان حقلری نقض اېتیلیشی و همه‌شمول حکومت شکللنمسلیک کبی مسئله‌لر دن تنقید بولگن.
اوشبو ییغیلیش ده اشتراک اېتگنلردن بیرقطاری جمله دن روسیه وکیلی و افغانستان اوچون بیرلشگن ملتلر تشکیلاتی باش کاتبی نینگ مخصوص وکیلی روزا اوتنبایوا، افغانستان ده‌گی حاضرگی احوال دن خورسندلیک بیلدیرگنلر.
