عدالت! عدالت! طلبه‌لر حقی گه جفا، ملت گه جفا و اولکه گه جفا» بو، نابیللی تقدیر‌ده حیات کیچیره یاتگن، وقت و پوللری نینگ بیهوده ضایع بولگن اسلامی بیلیم یورت طلبه‌لری نینگ عدالت خواه‌لیک شعارلریدن بیری دیر.
مذکور بیلیم یورت گلبدین حکمتیار رهبریتی‌ده اسلامی حزب گه تیگیشلی دیر، اوشبو بیلیم یورت طلبه‌لریدن اونلرچه‌سی نینگ ایتیش‌لریچه، اسلامی بیلیم یورت ۵ ییل فعالیت و ایکی دور فراغت بیلن حاضرگچه فعالیت جوازی یوق.
مذکور طلبه لرگه کوره، عالی اوقوو وزیرلیگی و اسلامی بیلیم یورت اولر گه نیچه مرته فعالیت جوازی نینگ ۹۹ فایز ایشی تکمیل بولگنی نی ایتگن؛ بیراق کمیده ۵ ییل اوتیشی بیلن، حاضرچه اوشبو ۹۹ فایز ایش ۱۰۰ فایز بولمه‌گن. معترض‌لر نینگ کوپه‌یتیریش‌لریچه، اسلامی بیلیم یورت مسئوللری اولرنی الده‌ب و پوللری بیلن تجارت قیله‌دیلر.
اسلامی بیلیم یورت طلبه‌لری اوشبو اعتراض‌ده عالی اوقوو وزیرلیگیدن تیزلیک بیلن قیینچیلیکلری گه دقت قیلینیشینی سوره‌یدیلر. معترض‌لردن بیری نینگ ایتیشیچه: «پوهنتون/بیلیم یورتی‌میز غیر قانونی دیر، سند‌سیز بیر شکلده فعالیت قیله‌دی. طلبه‌لر نی الده‌ب اولرنینگ پوللری بیلن تجارت قیله‌دی. حکومت‌دن، بیزلر گه حل یول نینگ پیشنهاد قیلیشلری نی سوره‌یمیز.»
بیزلرنینگ فیسبوک صحیفه‌میزگه باش اورینگ!
اولر عالی اوقوو وزیرلیگی و اسلامی بیلیم یورت رهبریتی‌دن تنقید‌لب ایتیش‌لریچه، شونینگدیک ۴ آی آلدین هم اعتراض قیلگن ایدیلر؛ بیراق حاضرگچه اولر نینگ قیینچیلیکلری حلی اوچون هیچ بیر عملی ایش بولمه‌گن. مذکور اعتراضچیلر قیینچیلیکلری حل بولیشی اوچون عالی اوقوو وزیرلیگیدن اولر گه باشقه خصوصی بیلیم یورت‌لر گه تبدیل قیلیش رخصتی بیریلیشینی طلب قیله‌دیلر.
باشقه بیر تامان‌دن معترض‌لردن قطاری نینگ سلام‌وطندار گه ایتیش‌لریچه، اولر نینگ قیینچیلیکلری حل بولمه‌گن صورت‌ده، اولر تحصیل قیلگن رشته‌لریده ایش قیلیش گه حق‌لری بولمه‌یشی ممکن.
بیزلرنینگ توییترده هم تعقیب قیلینگ!
ایتیش کیره‌ک که، اسلامی بیلیم یورت نینگ فعالیت جوازی یوق‌لیگی اوتگن ییل‌لرده هم رسانه‌یی بولگن ایدی و عالی اوقوو وزیرلیگی نینگ رسمی‌لری، اوشبو بیلیم یورت قانون گه قرشی طلبه جذب قیلیب و فعالیت یوریتیشینی ایتگندیلر.
شونینگدیک عالی اوقوو وزیرلیگی نینگ اورغولشیچه، اوشبو بیلیم یورت گه واضح شکلده ایتیلگن که جوازی‌نی تکمیل قیلگونگه قدر، طلبه جذب قیلیش و ریکلام ترقه‌تیش اوچون حقی یوق دیر.