اسلامی امارت باش وزیری نینگ اقتصادی اورین باسرلیگی اوز توییتری ده یازگن که، باش وزیر نینگ اقتصادی اورین باسری عبدالغنی برادر ییتکچیلیگیده، تیلنچی‌لر نینگ ییغیش کمیته، اوشبو ییل ۲-میزان‌گچه کابل شهری بویلب ۸۴۴۴ تیلنچینی ییققن.
اسلامی امارت باش وزیری نینگ اقتصادی اورین‌باسرلیگی ایتگن که، توپلنگن تیلنچی‌لردن ۵۷۷۹ تهسی نی عیال‌لر تشکیل بیره‌دی که تیکشیریشلردن کیین، اولردن ۱۷۵۰ تهسی مستحق و ۴۰۲۹ تهسی ایسه حرفه‌یی تانیلگن.
بیزلرنینگ توییترده هم تعقیب قیلینگ!
مذکور نهاد نینگ کوپه‌یتیریشیچه، ییغیلگن تیلنچی‌لردن ۷۱۸ تهسی ایرکک دیر که، اولردن ۲۳۶ تهسی مستحق و ۴۸۲ تهسی حرفه‌یی دیلگن.
شونینگدیک اقتصادی اورین‌باسرلیگی گه کوره، کابل شهریدن ۱۹۴۷ باله توپلنگن که، مذکور باله‌لردن ۱۰۷۹ تهسی نیازمند و ۸۲۷ تهسی ایسه حرفه‌یی تیلنچی دیر.
ایتیلیشچه، بو آره‌ده ۴۱ بی‌سرپرست باله هم توپلنگن و بایومتریک‌دن کیین، ایش و اجتماعی ایشلر وزیرلیگی نینگ تعلیمی مرکزلریگه یوباریلیشلر ممکن.
اسلامی امارت باش وزیری نینگ اورین‌باسرلیگی کوپه‌یتیرگن که، تیلنچی‌لر گه دوام‌لی شکلده نقدی یاردم بیریلیشی ممکن.
بیزلرنینگ فیسبوک صحیفه‌میزگه باش اورینگ!
سرپرست حکومت نینگ ایتیشیچه، اسلامی امارت رهبری نینگ بویروغی اساسیده، کسب و کار گه بلد بولگن تیلنچی‌لر نی بایومتریک‌دن کیین، اولر گه ایش زمینه‌سی فراهم بولیب و شونینگدیک اوشبو تیلنچی‌لر نینگ عایله‌لریدن بوندن بویان تیلنچی‌لیک قیلمه‌سلیک‌لری اوچون تعهد آلینیشی ممکن.
اقتصادی اورین‌باسرلیگی گه کوره، ایش قیلیش گه کوچی ییتیشمه‌گن حقیقی تیلنچی‌لر گه ایش حقی توللنه‌دی.