اسلام امیرلیگی ترانسپورت و هوا یوللری وزیری حمیدالله آخوندزاده، عمان ترانسپورت، مخابرات و معلوماتی تکنولوژی وزیری سعید بن حمود المعولی بیلن اوچرهشیب و صحبت قیلگن.
ترانسپورت و هوا یوللری وزیرلیگینینگ بوگون (۱۱-جدی، پنجشنبه)، بیر بیانیه آرقهلی اکس صحیفهسیده یازیشیچه، آخوندزاده و سعید بن حمود المعولی، ترانسپورت بوییچه مناسبتلر کوچهیشی، ترانسپورت خذمتلری بولیمیده ایکی تامانلمه همکارلیکلر مستحکملنیشی و بو بولیمده کیلیشوونامهلر توغریسیده صحبت قیلگنلر.
بو وزیرلیک، شونینگدیک ترانسپورت و هوا یوللری وزیرینینگ عمان هوا یوللری ادارهسی باشلیغی نایف بن علی العمری بیلن اوچرهشیب و هوا ترافیک خذمتلری، کارگو آلیش-بیریش، هوا دهلیزلری و مسلکی خادملر ظرفیتی آشیریلیشی حقیده صحبت قیلگنلرینی بیان قیلگن.
حمیدالله آخوندزاده، هوا یوللری و ییر ترانسپورتی کینگهیتیریلیشی و رواجلنتیریلیشی اوچون جاری هفته سهشنبه کونی بیر هیئت باشچیلیگیده عمان گه کیتگن.
