میلادی ۲۰۲۶-ییلده افغانستان گه انسانسیورلیک یاردملر کمهیشی و انسانی بحران توغریسیده خلقارا تشکیلاتلردن قطارینینگ خواطری بیلن بیرگه، اسلام امیرلیگی سوزلاوچیسی ذبیحالله مجاهدنینگ ایتیشیچه، افغانستان یشاوچیلری یشش وضعیتی یخشیلنیشی بوییچه حکومتنینگ بیر قطار برنامهلری بار.
احصائیه و معلومات ملی ادارهسی، اوشبو قویاش ییلده افغانستان بازارلریده آزیق-آوقت نرخ-نوالری ۴.۲ فایز آشگنینی بیلدیردی. اوشبو اداره، بوگون (۱۱-جدی/۱-جنوری، پنجشنبه) ایکس صحیفهسیده بیر بیانیه ترقهتیب بازارلرده یاغ نرخی ۱۳.۹ فایز، دان محصولاتلری نرخی ۳.۵ فایز، سبزهوات نرخی ۲۹ فایز آشگنینی معلوم قیلدی.
هرات امر معروف و نهی منکر باشلیغی عزیزالرحمان مهاجر، اوشبو ولایتده تیریک موجودلردن عکس آلیش تقیقلنگنینی بیلدیردی.
تورکیه دولت رهبری رجب طیب اردوغان، میلادی ینگی ۲۰۲۶-ییل ییتیب کیلیشی مناسبتی بیلن قوتلاو پیامیده، غزهده بالهلر، عیاللر شامل شهید بولگنلرنینگ عامللری جزالنمهگونچه جیم تورمسلیگینی بیلدیردی.
افغانستان اوچون مخصوص امانی صندیغینینگ اعلام قیلیشیچه، ایتالیا افغانستان گه ایکی میلیون ۴۰۰ مینگ یورو یاردم بیرگن. بو نهادنینگ بوگون (۱۱-جدی، پنجشنبه)، اکس صحیفهسیده یازیشیچه، مذکور یاردم افغانستان ده فرهنگی میراثلرنی سقلهش، یشش جایلرنی یخشیلش و رواجلنتیریش همده اقلیم اوزگریشلری برابریده اقتصادی و برقرار ییچیملرنی ایلگری سوریش بولیمیده صرفلنهدی.
بیرلشگن ملتلر تشکیلاتی باش کاتبی آنتونیو گوترش، فلسطینلیک آوارهلر گه بو تشکیلاتنینگ یاردم بیرووچی آژانسیگه تیگیشلی مرکزلر (آنروا) برقی و سووی کیسیلیشی اوچون اسرائیل قرارینی قارهلهگن.
دنیا بویلب ینگی ییلنی اینگ بیرینچی بولیب کیربیاتی اهالیسی کوتیب آلهدی. اوشبو دولت لاین آراللری آرقهلی سیارهدهگی اینگ قدیمی منطقه حسابلنهدی. کیربیاتده بیرهم کیچهسی عادتده اقیانوس ساحللریده اوتکزیلهدی. محلی اهالی ساحللرده توپلنیب، موشکبازلیکلر و بیرمانه تدبیرلر آرقهلی ینگی ییلنی قرشی آلهدی. سیاحلر هم ییلنینگ اینگ بیرینچی ینگی ییلی نی کوریش اوچون بو ییرگه مخصوص تشریف بویرهدی.
اسلام امیرلیگی ترانسپورت و هوا یوللری وزیری حمیدالله آخوندزاده، عمان ترانسپورت، مخابرات و معلوماتی تکنولوژی وزیری سعید بن حمود المعولی بیلن اوچرهشیب و صحبت قیلگن.
سوریهنینگ حلب شهریده یوز بیرگن خودکش هجوم نتیجهسیده، خوفسیزلیک کوچلریدن بیرتهسی اولیب و باشقه ایکی کیشی یرهلنگن. سوریه ایچکی ایشلر وزیرلیگینینگ اعلام قیلیشیچه، هجومچی اوتگن کیچه مقصدگه ییتیشمسدن آلدین، امنیتی گزمه یقینیده پارتلاوچی کمربندینی پارتلتگن.
