داعش یا-ده اسلامی دولت گروهی اوتگن کون (شنبه، ۱۵-اسد) کابل نینگ غرب تامانیده جایلشگن «پُل سوخته» منطقه‌سیده یوز بیرگن پارتلش مسئولیتی نی بوینیگه آلگن دیر.
کابل امنیه قوماندانلیگی نینگ اعلام قیلیشیچه، اوتگن کون عصر چاغی مذکور منطقه‌ده یوز بیرگن پارتلش‌ده، ۲ کیشی هلاک و ۲۲دن آرتیق کیشی ایسه یره‌لنگن.
بیزلرنینگ فیسبوک صحیفه‌میزگه باش اورینگ!
رویترز خبرگزارلیگی ساغلیق رسمی‌لر و واقعه شاهد‌لریدن نقل قیلیب گزارش بیرگن که، «پُل سوخته» منطقه‌سیده یوز بیرگن پارتلش‌ده ۸ کیشی هلاک و ۲۲ کیشی یره‌لنگن.
شونینگدیک جمعه کونی کابل شهری نینگ ۶-حوزه اطرافیده جایلشگن سرکاریز منطقه‌سیده یوز بیرگن پارتلش‌ده ۸ کیشی هلاک و ۱۸ کیشی یره‌لنگن ایدی. شونینگدیک مذکور پارتلش مسئولیتی نی هم داعش گروهی بوینیگه آلگن ایدی.
