ایران تشقی ایشلر وزیرلیگی نینگ ایتیشیچه، اوشبو وزیرلیک وزیری حسین امیرعبداللهیان، هند تشقی ایشلر وزیری سوبرامانیام بیلن اوتکزگن تلفنی بیر سوزلشووده، افغانستان ده همه شمول بیر حکومت ایجاد ایتیلیشی اوستیگه اورغوله‌گن.
حسین امیرعبداللهیان اوشبو تلفنی اوچره‌شووده ایتگن که، تهران هند نینگ انسان دوستلیک یاردم‌لری جمله‌دن بوغدای و ساغلیک ماده‌لرنی انتقال بیریش اوچون ینگی دهلی بیلن همکارلیک قیلیش گه تیار دیر.
شونده‌ی بیرحالده، هند افغانستان گه ۵۰ مینگ تُن بوغدای نینگ انتقال بیریش خصوصیده پاکستان رسمی‌لری بیلن سوزلشوولر دوام ایتیب کیلیشیدن خبر بیرگن.
پاکستان بوندن آلدین اوز توپراغیدن اوشبو یاردم‌لرنینگ افغانستان گه انتقال بیریلیشی نی مشروط بیر شکلده اعلام قیلگن ایدی. ۵۰ مینگ تُن بوغدای نینگ افغانستان یوک تاشووچی موترلری بیلن انتقال بیریلیشی پاکستان نینگ شرطی ایکن. مذکور مملکت بوغدایلر هند لاری‌لری بیلن انتقال بیریلیشی گه رخصت بیرمه‌یشی نی ایتگن ایدی.
بیزلرنینگ فیسبوک صحیفه‌میزگه باش اورینگ!
شونینگدیک اسلامی امارت پاکستان‌دن ۵۰ مینگ تُن بوغدای نینگ افغانستان‌گه انتقال بیریلیشی گه رخصت بیریش نی سوره‌گن ایدی، بیراق هند و پاکستان آره‌سیده‌گی سوزلشوولر نتیجه بیرمه‌گن.
هند نینگ ۵۰ مینگ تُن بوغدایی و باشقه انسان دوستلیک یاردم‌لری چابهار بندری آرقلی افغانستان گه انتقال تاپیلیشی نینگ احتمالی کوپ دیر. اسلامی امارت نینگ قدرت گه ایریشگنیدن کیین افغانستان جدی انسانی فاجعه گه دوچ کیلگن.