ایران اسلام انقلابی قوروقچیلری، امریکانینگ سونگی هجوملریگه جواباً بو مملکت بحرین، کویت و اردنده امریکا حربی مرکزلری و آست قوریلمهلریگه ضربه بیرگنینی معلوم قیلدی.
فارس نشری، بوگون (۲ اسد/۲۴ جولای، جمعه) ایران اسلام انقلابی قوروقچیلریگه اساسلنیب ایتیشیچه، مذکور مملکت بوگون ایرتهلب امریکانینگ بحرین، کویت و اردنده امریکا نیچته مرکز و حربی آست قوریلمهلری جملهدن حربی کوچلرنینگ تورر جایی همده قیروچی اوچاقلرنینگ تعمیرلش و سقلش جایی دران آرقهلی نشانگه آلینگن.
شو بیلن بیرگه فرانسه نشری هم، عراقنینگ اربیل قونالغهسیده نیچته پارتلش آوازی ایشیتیلگنیدن خبر بیرگن.
بوندن ایلگریراق امریکا مرکزی قوماندانلیگی، ایران گه قرشی کیتمه-کیت اون اوچینچی کیچه هجوملری یکونیدن خبر بیریب و بو هجوملرده ایراننینگ حربی مرکزلری، دران امبارلری آست قوریلمهلری، علاقه ترماقلری، ساحلی کوزهتووچی سایتلری همده دینگیز توانمندلیکلریگه ضربه بیریلگنینی معلوم قیلگن ایدی.
