خلق‌ارا جنایت محکمه‌لر (ICC) قاضی‌لریدن بیری نینگ اعلام قیلیشیچه، اوشبو محکمه گه اعضا مملکت‌لر نینگ تکلیفی اساسیده، روسیه نینگ اوکراین ده‌گی احتمالی اوروش جنایتی باره‌سیده درحال تدقیقاتینی باشله‌یدی.
رویترز آژانسی نینگ گزارشی اساسیده، خلق‌ارا جنایت محکمه‌لر قاضی‌لریدن بیری بیر بیانیه آرقه‌لی ایتیشیچه، حجت‌لرنی ییغیش قاضی‌لر دفتری، اوکراین نینگ هر بیر بورچه‌گیده اوروش جنایت‌لری، نسل کش‌لیککه قرشی جنایت خصوصیده تدقیقات باشله‌شی ممکن.
بیزلرنینگ فیسبوک صحیفه‌میزگه باش اورینگ!
بیر هفته آلدین روسیه اوکراین گه باستیریب کیردی. روسیه حربی کوچلری کی‌یف دولتی نینگ یوق ایتیش گه حاضرگچه اولگورمه‌گن؛ بیراق اوشبو مدت ایچیده مذکور ایکیله دولت رسمی‌لری و بیرلشگن ملت‌لر تشکیلاتی، مینگلب کیشی اولیب و یره‌لنگنیدن خبر بیرگن‌لر.
بیزلرنینگ توییترده هم تعقیب قیلینگ!
اوکراین رسمی‌لری نینگ ایتیشلریچه، روسیه حربی‌لری تورر جای و عادی اهالی منطقه‌لرینی نشانگه آلگن‌لر. ینگی لیکده، خارکیف شهری نینگ جنوب‌شرقی‌ده جایلشگن «ایزیوم» منطقه‌‌سیده بیر رسمی، روسیه نینگ هوا هجومی نتیجه‌سیده ۲ باله شامل ۸ تینچ اهالی هلاک بولیشیدن خبر بیرگن.
