ایچکی ایشلر وزیرلیگی مسوول‌لری نینگ ایتیش‌لریچه، طالبان فعالیت‌لریگه توسیق بولیش اوچون مملکت ۳۱ ولایتیده کیچه تاماندن اوتیب-قیتیش منع قیلینگن.
بوگون “شنبه” ایچکی ایشلر وزیرلیگی سوزلاوچیسی نینگ اورین باسری احمدضیا ضیا نینگ ایتیشیچه، کابل، ننگرهار و پنجشیر ولایت‌لری خارج باشقه ۳۱ ولایتده کیچه ساعت ۱۰ دن باشلب ایرته‌لب ساعت ۴ گچه اهالی‌گه اوتیب-قیتیش اوچون رخصت بیریلمه‌یدی.
ایچکی ایشلر وزیرلیگی سوزلاوچیسی نینگ اورین باسری، اهالیدن کیچه ساعت ۱۰ دن سونگ، شهرلرده یوریش و محفل‌لرگه باریشدن قول تارتیش‌لرینی سوره‌گن. اونینگ تاکید قیلیشیچه، بو برنامه‌نی عملگه آشیریلیشی اوچون پولیس جدی شکلده اقدام قیله‌دی.
ایتیلیشیچه، طالبان گروهی سونگی پیت‌لرده هجوم‌لرینی شدت‌لنتیرگن و نتیجه‌ده بیرقطار تومن‌لرنی تصرف قیلگن.
عین‌حالده، ملی مدافعه وزیرلیگی مسوول‌لری نینگ ایتیش‌لریچه، اوتگن ۲۴ ساعت جریانیده لغمان، ننگرهار، نورستان، کنر، غزنی، پکتیا، قندهار، هرات، بلخ، جوزجان، هلمند، قندوز، تخار، کاپیسا ولایت‌لریده امنیتی کوچلر و طالبان جنگریلری آره‌سیده آتیشمه یوز بیرگن. اوشبو وزارت مسوول‌لری نینگ ایتیش‌لریچه، مذکور آتیشمه‌لر نتیجه‌سیده طالبان جنگریلریدن ۲۶۲ ته‌سی هلاک و باشقه ۱۷۶ ته‌سی یره‌لنگن.