آمریکا حربی‌لری نینگ ستاد رئیسی جنرال مک‌کنزی، افغانستان ده القاعده ترماغی نینگ کونسایین کوچ‌لنیشیدن خواطر بیلدیرگن.
شونینگدیک جناب فرانک کنت مک‌کنزی اسوشیتدپرس بیلن بولگن صحبتیده، افغانستان دن آمریکا حربی و اطلاعاتی کوچلری نینگ چیقیشی بیلن، القاعده ترماغی گه تیگیشیلی کیشیلرنینگ تاپیش قیینچلیک‌لرگه یوزمه یوز بولگن، دیدی.
سیاسی ایش بیلرمانلردن قطاری نینگ ایشانچ‌لریگه کوره، القاعده ترماغی افغانستان ده اوزینی قیته کوچه‌یتیریشی اوچون سعی و حرکت قیلیب و مملکت یمان وضعیتی دن قول‌لنیب اعضالرینی کوپه‌یتیرماقده.
سیاسی ایش بیلرمان ویس ناصری نینگ سلام‌وطندارگه ایتیشیچه، القاعده ترماغی نینگ فعالیتی اوتمیش گه نسبتن کوپه‌یگن و بو گروه فعالیت‌لری نینگ شدت‌لنیشی افغانستان و منطقه مملکت‌لری نینگ امنیتی اوچون خوفلی بولیشی ممکن.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمانلردن باشقه بیری مهدی افضلی نینگ ایتیشیچه، افغانستان سیاسی ساختاری بوزیلیشی، القاعده ترماغی نینگ کوچه‌یشی گه سبب بولگن.
جناب فضلی گه کوره، افغانستان دن ناتو حربی‌لری نینگ چیقیشی، حاضرگی سیاسی ساختار بوزیلگنی و اقتصادی قیینچلیکلر، افغانستان ده القاعده ترماغی نینگ فعالیتی نی کوپه‌یش دلیل‌لری دیر.
جنرال مک‌کنزی نینگ اورغولشیچه، اسلامی امارت القاعده ترماغی گه قرشی تأثیرلی اقدام قیلیشی کوتیب توریلگن.
بو موضوع حقیده اسلامی امارت سوزلاوچی‌لری نینگ فکرینی آلیش ایسته‌دیک؛ بیراق موفق بولمه‌دیک.
