هند ایچکی ایشلر وزیرلیگی، ۱۰۰دن آرتیق افغانستان نینگ سیک و هندو یشاوچیلری گه عاجل الکترونیکی ویزه صادر قیلیشی خصوصیده قرار آلگن.
هندی رسانه‌لر نینگ گزارش بیریشیچه، اوتگن کون کابل شهری کارته پروان منطقه‌سیده هندو‌لر عبادت‌خانه‌سی گه اویوشتیریلگن ترورچیلیک هجوم‌دن کیین، اوشبو قرار آلینگن و اوشبو ویزه‌لر، خوف آستیده بولگن هندو‌لر و سیک‌لر نینگ افغانستان دن چیقریش جریانینی قوله‌ی لشتیره‌دی.
بیزلرنینگ فیسبوک صحیفه‌میزگه باش اورینگ!
هندی رسانه‌لری نینگ معلوماتی اساسیده، اوشبو مملکت رسمی‌لری ایتگنلر که، هند نینگ ملی تدقیقات تشکیلاتی اوتگن کون یوز بیرگن هجوم نی تیکشیره‌دی. اوشبو نهاد حاضر ایسه ۲۰۲۰-ییل نینگ ۲۵- مارچ‌ده کابل ده هندو‌لر عبادت‌خانه‌سی گه اویوشتیریلگن هجوم نی تیکشیرماقده که مذکور هجوم‌ده ۲۷ هندو یشاوچیلری اینیقسه بیر هندو هلاک بولگن ایدی.
هندی رسمی‌لر نینگ معلوماتی اساسیده، ۲۰۲۰-ییل‌ده افغانستان ده کمیده ۷۰۰ هندو و سیک حیات کیچیره‌ر ایدی که مذکور عایله‌لردن کوپ قطاری اوتگن ییل ناتینچ‌لیک و افغانستان ده اسلامی امارت نینگ قدرت گه ایریشگنیدن کیین، اوشبو مملکت نی ترک قیلگنلر.
هندی رسمی‌لری نینگ ایتیش‌لریچه، حاضر ایسه افغانستان ده کمیده ۱۵۰ هندو و سیک حیات کیچیره‌دی، بیراق اوشبو رسمی‌لردن بیری نینگ ایتیشیچه: «مذکور آزچیلیک قوم‌لر حاضر ایسه اینگ یامان تهدید آستیده قرار تاپگنلر.»
بیزلرنینگ توییترده هم تعقیب قیلینگ!
هندوستان رسمی‌لری اوتگن کونی یوز بیرگن هجوم نی قاره‌لگنلر. هند باش وزیری نرندرا مودی، اوشبو هجوم نی ترورچیلیک و انسانیت گه قرشی دیگن.
شونینگدیک هند تشقی ایشلر وزیرلیگی بیر اعلامیه ترقه‌تیب و کابل ده هندو‌لر عبادت‌خانه‌سی گه اویوشتیریلگن هجوم گه قرشی عکس‌العمل کورستگن. اوشبو وزیرلیک مذکور هجوم خصوصیده خواطر بیلدیریب و وضعیت نی یقیندن کوزه‌تیش لرینی بیلدیرگن.