فاریاب ولایتی ساغلیقنی سقلش مسئوللری، اوشبو ولایتده قیزهمیققه یولیققن بالهلر سانی کوپهیشیدن خواطر بیلدیریب ایتیشلریچه، سونگی نیچه آیده، اوشبو بیمارلیک کوزگه کورینرلی درجهده کوپهیگن دیر.
فاریاب ولایتی کسلخانهسی نینگ بالهلر بولیمی مسئولی داکتر آرش نینگ سلاموطندار گه ایتیشیچه، مذکور ولایتده قیزهمیق واقعهلری کوپهیشی خواطرلی دیر و کونیده قیزه میققه یولیققن ۳۰ باله اوشبو کسلخانه گه مراجعت قیلهدی.
بیزلرنینگ فیسبوک صحیفهمیزگه باش اورینگ!
اونگه کوره، قیزهمیق واقعهلری کوپهیش عاملی، فاریاب ولایتیده اوشبو بیمارلیککه قرشی واکسین یوقلیگی دیر که کونیده قیزه میققه یولیققن بالهلردن ۵ فایزی هلاک بولهدی.
عینحالده، فاریاب ساغلیقنی سقلش کلتوری کلینیک مسئولی نینگ ایتیشیچه، تورت ییلدن بویان فاریاب ولایتی بویلب قیزه میققه گه قرشی ایملش کمپاینی یولگه قوییلمهگن.
جناب محمدی نینگ اورغولشیچه، پولیو گه قرشی ایملش کمپاینی مسجدلر و تعین ایتیلگن زمانی اساسیده دوام ایتماقده؛ بیراق قیزه میققه قرشی ایملش کمپاینی حاضرگچه توختهتیلگن دیر.
بیزلرنینگ توییترده هم تعقیب قیلینگ!
باشقه تاماندن، فاریاب ولایتی کسلخانهسی گه قیزه میققه یولیققن بالهلرینی آلیب کیلگن عایلهلر، شفاکارلر نینگ خذمت و مراقبتلریدن منتدارلیک بیلدیرهدیلر.
