ایچکی ایشلر وزیرلیگی نینگ اعلان قیلیشیچه، اوتگن ۳ آی جریانیده طالبان هجومی سبب، ۴۸۷ تینچ اهالی هلاک و باشقه ۱۰۴۹ کیشی یره‌لنگن.
اوشبو رقم ایچکی ایشلر وزیرلیگی سوزلاوچیسی طارق آرین تامانیدن توییتر صحیفه‌سیده یازیلگن. ایچکی ایشلر وزیرلیگی تامانیدن بیریلگن آمارلرگه کوره، بو مدتده طالبان گروهی ۳۵ خودکش هجوم اویوشتیریب و ۵۰۷ ماین نی پارتلتگن.
ایتیلیشیچه، مذکور اوچ آی جریانیده طالبان گروهی قطر باشکنتی دوحه‌ده افغانستان دولتی بیلن تینچلیک خصوصیده سوزلشیب کیلگن.
تینچلیک سوزلشوولر باشله‌نیشی بیلن مملکتده زوروانلیک رقمی کوپه‌یگن و انه‌شوو سبب، آمریکا قوشمه ایالاتی، بیرلشگن ملت‌لر تشکیلاتی، ناتو و افغانستان حکومتی زوروانلیکلر کوپهیشیدن تنقید قیلگنلر.
طالبان گروهی حاضرگه‌قدر بوتوغریده فکر بیلدیرمه‌گن.
