بوگون “شنبه” افغانستان بوییچه بیرلشگن ملت‌لر تشکیلاتی نینگ اورین‌باسرلیک هیأتی یا-ده یوناما، بیرلشگن ملت‌لر تشکیلاتی نینگ ۱۳۲۵ شرطنامه‌سینی ۲۰- ییل‌لیگی مناسبتی بیلن بیر اعلامیه نشر قیلیب ایتیشیچه، مملکتده هلاک ایتیله‌دیگن هر ۱۰ تینچ اهالیدن ۴ ته‌سینی عیاللر و باله‌لر تشکیل بیره‌دی.
مذکور اعلامیه‌ده، یوناما افغانستان‌لیک عیال‌لرنینگ تینچلیک خصوصیده بولگن یوتوق‌لریدن حمایت بیلدیرگن.
اعلامیه‌ده کوپه‌یتیریلیشیچه، یوناما اوروش تامان‌لریدن جنسی و باشقه زوروانلیک‌لرنی کمه‌یتیریش‌لرینی سوره‌گن.
یوناما، عیال‌لرنینگ سونگی یوتوق‌لریدن سقلش اوچون مذاکره قیله‌دیگن‌لردن حمایت قیلیشینی بیلدیرگن.
یوناما تشکیلاتی نینگ تاکید قیلیشیچه، اوروش تامان‌لرینی بو تاریخی فرصت‌دن تینچلیک تامین‌لنیشی اوچون فایده‌لنیشی کیره‌ک.
اعلامیه‌ده کوپه‌یتیریلیشیچه، آسترالیا، دنمارک، آغاخان کینگی‌تیریش ترماغی، کانادا، هالند، اسلامی همکارلیکلر تشکیلاتی، ترکیه، انگلستان، بیرلشگن ملت‌لر تشکیلاتی و آمریکا نماینده‌لریدن تشکیل تاپگن دوست‌لیک ایلچی‌لر گروهی تینچلیک سوزلشوولرده عیال‌لرنینگ حضوریدن حمایت بیلدیرگن.
شونینگدیک، افغانستان بوییچه ناتو نینگ ملکی نماینده‌سی استیفانو پونتیکورو نینگ توییتر صحیفه‌سیده یازیشیچه، دایمی تینچلیککه قول تاپیش اوچون عیال‌لرنینگ حقوقی کوچلی اصل دیر و ناتو تینچلیککه قول تاپیش اوچون افغانستان عیال‌لریدن حمایت قیله‌دی.