روح‌الله حسینی مملکت نینگ مینگ‌لرچه تحصیل قیلگن ییگیت‌لریدن بیری دیر کیم اولکه و و مردم گه خدمت قیلیش آرمانی نی اوزی بیلن افغانستان دن مینگ‌لرچه کیلومتر اوزاققه تاشیماقده. او اولکه و مردمی اوچون معجزه‌لی بیر کیله‌جک نی کوتیب تورگن. شونینگدیک او اولکه‌سی نینگ آبادان‌چیلیگی و مردمی نینگ تینچلیگی اوچون عالی اوقوو گه علاوه، خطاط‌لیک و شبکه‌کارلیک هنری نی اورگنگن. هنری و علمی تعلیمات نی کابل ده اورگنگن، بیراق اوز مملکتیده قاله آلمه‌ی و ایسته‌کلریگه ییتیشمه‌گن.
روح‌الله باله‌لیک دورانی نینگ ایران ده عایله‌سی بیلن مهاجرلیککه اوتکزدی و طالبان نینگ حکومتی سقوط قیلگندن کیین، قیته‌دن اولکه گه قیتیب و مکتب و بیلیم یورت نی بیتتیردی. او کابل بیلیم یورتی نینگ داروتوزه‌تیش/فارمسی فاکولته‌سیده درس گه باشله‌دی و بیلیم یورت نینگ درس‌لریگه علاوه خطاط‌لیک و شبکه‌کارلیک هنری نینگ اورگه‌نیش گه باشله‌دی. او باشقه وطنداش‌لری کبی وطن‌سیزلیک و مهاجرلیک نینگ قیینچلیک‌لرینی کوپ کورگن ایدی و او مملکتده قیته قیتیشی نی هیچ بیر زمان فکر قیلمه‌گن ایکن. بیراق روح‌الله نینگ ایتیشیچه، بیر کیچه‌ده برچه رویالری اوزگرگن و اوندن کیین روح‌الله نینگ فکری و هوشی کابل نینگ کوچه‌لریدن اوزاق‌لشگن.
حاضر روح‌الله حسینی ترکیه‌ده ایکی باله (قیز و ایرکک) و تورموش اورتاغی بیلن حیاتی نینگ اینگ اَچیق خاطره‌لرینی بیزلر بیلن شریک قیله‌دی. اونگه کوره، کیچه تاماندن شاه شهید منطقه‌سیده یوزبیرگن حادثه کوپ کیشیلرنینگ جانی نی قرانغولیککه کومگن. اوندن کیین بیر نیچه پیت مملکتده قالگن و بو زمانده هردایم قورقینچ و ایشانچ‌سیزلیک بیلن یشه‌گن.
روح‌الله نینگ ایتیشیچه، شاه‌شهید حادثه‌سی یوزبیرمه‌سدن آلدین کابل ده کونده یوزبیره‌دیگن پارتلش و خودکش هجوم‌لردن خسته و ناتینچ بولگن ایکن. او هردایم خودکش هجوم باعث اولیمی نی تصور قیله‌دی ایکن. اوشه پیتلر هر کون نیچه خودکش هجوم یوزبیره‌دی ایکن.
کابل نینگ شاه‌شهید منطقه یشاوچیسی روح‌الله (قویاش ۱۳۹۶- ییل، ۱۶- اسد کیچه‌سی) یوز بیرگن حادثه نی هیچ اونوته آلمه‌گن. مذکور حادثه ده کیم ۱۵ کیشی هلاک و ۴۰۰ دن آرتیق کیشی یره‌لندی ۵ ییل اوتماقده.
روح‌الله نینگ ایتیشیچه، مذکور حادثه اونینگ مهاجر بولیشی گه سبب بولگن و او زمان دن حاضرگچه کوپ قیینچلیک‌لرگه دوچ کیلگن. اونگه کوره، نیچه پیتدن کیین ترورچیلر و دهشت تشلاوچیلر تلفن آرقه‌لی اوندن همکارلیک قیلیش نی سوره‌گن. روح‌الله رد جواب بیرگندن کیین، اوشبو گروهلر آرقه‌لی اولیم گه تهدید بولگن و او یشه‌یدیگن ییری نی اوزگرتیرگن بیرحالده هم تینچ یشه آلمه‌گن.
او، افراطی‌لرنینگ دوزاغی گه توشمه‌سلیگی اوچون اولکه نی ترک قیلیش گه زورلنگن. روح‌الله گه کوره، او و عایله‌سی ترکیه‌ده زمان اوتیشی بیلن تیل، ایش، فرهنگ و یشش قیینچلیک‌لرینی حل قیلگن، بیراق حاضر مهاجرلیک اداره‌سی او و اونینگ عایله‌سینی دوسیه‌سیگه رد جواب قیترگن. قتیق قیش وضعیتی و شونینگدیک مملکتده اوروش نینگ دوامی تاپگنی روح‌الله و اونینگ عایله‌سینی کوپ قیغولنتیرگن.
اونینگ ایتیشیچه، بو مدت‌ده اوزی و عایله‌سی ترک تیلی‌نی یخشی شکلده اورگنگن و ایش جای، کوچه و بازار ده حیات کیچیریش شیوه‌سینی ترک‌لر بیلن هیچ‌قنده‌ی فرقی یوق.
جناب حسینی، بو مدت‌ده خلق ارا هیداووچی‌لیک و ایش جوازینی قولگه کیلتیرگن. او، ترکیه دولتی و مهاجرلیک اداره‌سی مسوول‌لریدن دوسیه‌سینی قیته‌دن تیکشیرشیی‌نی سوره‌یدی. اونینگ ایتیشیچه، باله‌سی نینگ اوزی کبی مینگ‌لرچه قیغو بیلن افغانستانده اوروش‌لر ایچیده مکتب‌گه یوباریشی‌نی ایستمه‌یدی.
روح‌الله حسینی، خطالیک و نقاش‌لیک حرفه‌سینی افغانستانده اورگنگن، بیراق ترکیه ده اوندن یخشی شکلده فایدهلنهدی. روح‌الله نینگ ایش ییگه‌سی اونی اوی‌لر، دفترلر و تفریحی مکان‌لرگه دیکوریشن و دیزاین اوچون یوباره‌دی. اونینگ ایشیدن هم ایش ییگه‌سی و هم ایش بیرگن کیشی‌لر راضی کورینه‌دیلر.
اونینگ چیککه‌سیده، روح‌الله ترکیه نینگ شهرلریدن بیریده هنری ایش‌لرینی ایکی مرته کورگزمه‌گه قویگن و ولایت حاکمی، مهاجرلر اداره‌سی باشلیغی، سوداگرلر و یشاوچی‌لری نینگ دقتی‌نی جلب قیلگن.
جناب حسینی، هنری یخشی شکلده رواجلنگنی سبب، ۲۰۱۹- ییلده ترکیه نینگ بیر شهریدن باشقه بیر شهریگه نقل مکان قیلگن، لیکن کرونا ویروسی کوپه‌یگنی سبب، هنری فعالیتی‌نی نمایش‌گه قویه آلمه‌یدی.
عین‌حالده، ترکیه‌ده بیر ییل قرنطین اعلان قیلینیشی، ایش سیزلیک‌لر رقمی کوپه‌یگنی، ترک یشاوچی‌لری نینگ مهاجرلر کوپه‌یشیدن تنقید قیلیش‌لری، لیره گه قرشی دالرنینگ بهاسی یوقاری کیتگنی و ترکیه دولتی نینگ مهاجرلرگه قرشی بولگن سیاستی اوزگرگنی سبب، مهاجرلردن کوپ قطاری نینگ دوسیه‌لری رد ایتیلگن.
ترکیه دولتی نینگ قراریگه کوره، ۲۰۲۰- ییل باشلنگنیدن حاضرگه‌قدر اوشبو مملکت نینگ تورلی شهرلریده مهاجرلردن مینگ‌لرچه‌سی نینگ دوسیه‌لری رد ایتیلگن و سرنوشت‌لری بیللی ایمس. روح‌الله هم دوسیه‌سی رد ایتیلگن مهاجرلردن بیری دیر، بیراق اونینگ ایتیشیچه، ترکیه ده قالیش اجازه‌سینی قولگه کیلتیریش اوچون وکیل آلیب محکمه‌گه مراجعت قیلگن. روح‌الله نینگ وکیلی بو دعوا گه موفق بوله‌دی می؟ یوق بیللی ایمس.
ترکیه دولتی تامانیدن بیریلگن آمارلرگه کوره، ۲۰۱۹- ییلده ۴ میلیون سوریهلیک مهاجر اوشبو مملکت گه تیریک‌چیلیک قیله‌ریدی و سوریه دن سونگ، افغانستان یشاوچی‌لری کوپ بولگن بیرینچی مملکت ایدی.
ترکیه اوتگن ییل افغانستان‌لیک مهاجرلردن بیرقطاری نینگ دوسیه‌لرینی رد قیلگن. ترکیه دولتی نینگ اعلان قیلیشیچه، مهاجرلرگه قرشی جدی تهدید بولگنی خصوصیده اعتبارلی حجت بولمه‌گنی سبب، دوسیه‌لری رد ایتیلگن.
باشقه تاماندن، حجتی بولمه‌گن افغانستان‌لیک مهاجرلر اینقسه مجرد بولگن مهاجرلر هرکون ترکیه شهرلریدن قولگه آلینیب افغانستان ایلچی‌لیگی تامانیدن مسافر تاشیووچی اوچاقلر آرقه‌لی کابل و مزارشریف هوا قونالغه‌سیگه انتقال بیریله‌دی.