جوزجان ولایتی نینگ ایکی تومنی و مرکزی‌ده ۷۰۰ دهقان عیال گه اوی باغچه‌لری و ایش اسباب‌لری توزیع بولدی. جوزجان‌ده اکتید دفتری باشلیغی امان‌الله امین نینگ ایتیشیچه، عایله‌لرینی سرپرست‌لیک قیله‌دیگن دهقان عیاللرنی قوللب قوتلش و اولر نینگ اقتصادیاتینی کوچه‌یتیریش مقصدیده، بو پروژه‌نی یولگه قویگن‌لر.
اکتید دفتری باشلیغی نینگ ایتیشیچه، اوشبو پروژه‌ده شبرغان شهری‌دن ۲۸۰ عیال، فیض‌آباد تومنی‌دن ۲۲۰ عیال و خانقاه تومنی‌دن ۲۰۰ عیال تنلنگن‌لر که بوندن بویان، اوی باغچه‌لریده ایشلش بیلن عایله‌لری نینگ خرجت‌لرینی تأمینلش‌لری ممکن.
بیزلرنینگ فیسبوک صحیفه‌میزگه باش اورینگ!
اوشبو مراسمده جوزجان ایکینچیلیک، چارواچیلیک و سوغاریش ریاست باشلیغی قاری عبادالله انصار گه کوره، دهقان‌لرنی حمایت قیلیش و اقتصادیات‌لرینی کوچه‌یتیریش اوچون، اوشبو پروژه اکتید دفتری تامانیدن عملگه آشیریلگن و بودجه‌سی فرانسه تامانیدن توللنیله‌دی.
جوزجان ایکینچیلیک، چارواچیلیک و سوغاریش ریاست باشلیغی نینگ ایتیشیچه، هر بیر دهقان عیال گه برچه امکانیت بیلن اوی باغچه‌لری نینگ اسباب‌لری توزیع بولگن که اوشبو یول آرقه‌لی عایله‌لری نینگ تأمینلش‌لری کوتیله‌دی.
بیزلرنینگ توییترده هم تعقیب قیلینگ!
یاردم بیریلگن دهقان عیاللردن قطاری گه کوره، اوی باغچه‌لریده ایشلش بیلن عایله‌لری نینگ اقتصادینی تأمینلب و باله‌لری نینگ تعلیم و تربیه خرجت‌لرینی توللـه‌یدیلر.
