بوگون، اسلامی امارت سرپرست حکومتی ایچکی ایشلر وزیرلیگی نینگ مسئوللری، خبری بیر ییغینده، سونگی بیر ییللیک یوتوقلرینی میدیالر بیلن شریک قیلدی. اوشبو ییغینده ایچکی ایشلر وزیرلیگی نینگ اداری معینی و کفیلی نورجلال جلالی گه کوره، اوتگن ییللر گه نسبتن، افغانستان نینگ ۹۰ فایز خلقی امنیت دن راضی دیر. جلالی خوفسیزلیک تأمین ایتیلیشی، جنایی جرملر گه قرشی کورهش و عامه خذمتلرنی اوتگن بیر ییل ده اوشبو وزیرلیک نینگ مهم یوتوقلریدن عنوان قیلهدی.
شو بیلن بیرگه، سلاموطندار بیلن صحبت اوتکزگن خوفسیزلیک ایش بیلرمانلریدن قطاری نینگ ایتیشلریچه، اوتگن ییل گه نسبتن امنیتی وضعیت یخشی لنگن بولسه ده؛ بیراق افغانستان یشاوچیلری انده_سنده خودکش و پارتلش هجوملر گه گواه دیر. ایش بیلرمانلر نینگ ایشانچی گه کوره، مملکت بویلب ترورچی شبکهلر نینگ فعالیتی، افغانستان امنیتی اوچون جدی تهدید دیر. اولر گه کوره، اسلامی امارت افغانستان ده امنیت تأمین ایتیلیشی اوچون، قوشنی مملکتلر و دنیا مقیاسیده بیر اجماع شکل بیریشی کیرهک.
بیزلرنینگ فیسبوک صحیفهمیزگه باش اورینگ!
حربی ایش بیلرمان سرور نیازی نینگ ایتیشیچه: «بیز حاضرگه قدر افغانستان ده ناتینچلیک، پارتلش و خودکش هجوملر گه گواه میز. افغانستان خلقی نینگ یاولری هیچ قچان افغانلرنی تینچ قویمهیدیلر. هردایم افغانستان ناتینچ بولیشی مقصدیده سعی و حرکت قیلهدیلر.»
شو بیلن بیرگه، اولکه یشاوچیلریدن قطاری افغانستان ده امنیت قوییلیگیدن شکایت قیلیب، اسلامی امارت حاضرگه قدر امنیت نی اساسی شکلده تأمینلش گه قادر بولمهگنینی ایتهدیلر. اولرگه کوره، آلدین_کیین پارتلشلر و قیسقه مدتلی اوروشلر باشقه زمانلر گه نسبتن اولرنینگ خواطری گه سبب بولگن.
مملکت فقرالری اسلامی امارت دن تنقید قیلیب ایتیشلریچه، فزیکی ناتینچلیکلر گه قوشیمچه، روانی و اقتصادی ناتینچلیک تیریکچیلیک وضعیتلرینی قیینلشتیرگن.
اولکه یشاوچیلری اسلامی امارت دن، خوفسیزلیکلری تأمین ایتیلیشی خصوصیده دقت قیلیب و اولر گه ایش فرصتلری یرهتیلیشینی طلب قیلهدیلر.
محمد عارف نینگ سلاموطندار گه ایتیشیچه: « بیران جای ده اوروش بار، انده_سنده خودکش و پارتلش هجوم بولهدی. مردم نینگ امنیتی بوتونلی تأمین ایمس دیر.»
بیزلرنینگ توییترده هم تعقیب قیلینگ!
عینحالده، افغانستان ده اسلامی امارت ایکینچی مراتبه قدرت نی آلیشیدن کیین، مذهبی مکانلر جمله دن مسجدلرده قانلی هجوملر کوپهیگن. کابل شهری نینگ خیرخانه منطقهسیده صدیقیه مسجدی ده اویوشتیریلگن هجوم، سونگی بویوک هجوم دیر که قریب ۵۰ دن آرتیق کابل یشاوچیلری نینگ اولیب و یرهلنیشیگه سبب بولدی.