ایچکی ایشلر وزیرلیگی نینگ معلوماتی اساسیده، میزان آیی دن حاضرگچه اولکه بویلب ایکی مینگ ۱۰۰ جرمی واقعه یوز بیرگن، اولردن بیر مینگ ۶۲۵ واقعه انیقلنگن.
بوگون (چهارشنبه، ۱۶ قوس) مطبوعاتی ییغیلیشده اشتراک ایتگن ایچکی ایشلر وزیرلیگی سوزلاوچیسی عبدالنافع تکور نینگ ایتیشیچه، اوتگن ایکی آی ده اسلام امیرلیگی کوچلری تامانیدن جرمی واقعه گه عیبلنگنلردن ۲ مینگ ۶۷۵ کیشی قولگه آلینگن و قریب ۲۰۶ کیشی قاچیش گه اولگورگن.
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی سوزلاوچیسی نینگ کوپه‌یتیریشیچه: «اوشبو کیشی‌لر اختطاف، اولدیریش، قوراللی اوغری‌لیکلر، جنسی زوروانلیک، زنا، اوغیرلش، الکولی ایچیملیک، انسان و بنگی‌وار ماده‌لری قاچاقی، یالغانچیلیک، ناقانونی قورال آلیب یوریش و اوی دن قاچیش‌گه عیبله‌نیب قولگه آلینگنلر.»
اولکه یشاوچیلریدن بیرقطاری، جرمی واقعه‌لر اینیقسه قوراللی اوغری‌لیکلر کوپه‌یشیدن شکایت قیله‌دیلر.
کابل یشاوچیلریدن شکیب نینگ ایتیشیچه: «بیر مراتبه موتر سایکل ده‌گی اوغریلر تیلیفونیم نی آلیب کیتیش اوچون سعی و حرکت قیلیش‌لری گه گواه من. شونینگدیک مزار شریف یولیده اوغریلر بیر دوستیم‌نی بار نرسه‌سینی آلدیلر.»
کابل یشاوچیلریدن باشقه بیری مجیب‌الرحمان گه کوره: «اوشبو کیچه_کوندوزده اوغری‌لیک، پارتلش و خودکش هجوم واقعه‌لری کوپه‌یگن. اسلام امیرلیگیدن اهالی خوفسیزلیگینی تأمین ایتیش اوچون سعی و حرکت قیلیش‌لرینی سوره‌یمیز.»
یوباریلگن و زیان کورگنلر گه تیزلیک بیلن یاردم کورسه تیله‌دی.
بیزلرنینگ توییترده هم تعقیب قیلینگ!
ایتیش کیره‌ک که، سونگی آی‌لرده مملکتده جنایی جرم‌لر کوپه‌یگن و هر کونی، بیر ولایت دن بیر یا ده نیچه جنایی واقعه یوز بیریشیدن گزارش بیریله‌دی.
