عارفنینگ حکایهسی
مارچ آیینینگ ایلیق تانگی. اۉزبېکستان جنوبیدهگی ترمذ شهری کوچهلریده قوشلرنینگ سیرهشی، آدملرنینگ کولگوسی اېشیتیلهدی. اولر عنعنوی اۉزبېک طعامی بولمیش سومهلک پیشیریپتیلر. عادتده او هر بهارده پیشیریلهدی.
بو کوچهلردن بیریده قوی-قوزیلر آوازی ایشیتیلهدیگن اېسکی اوی بولیب، اونینگ کتّه حاولیسیده آلتی یشر عارف تاووقلر آرتیدن یوگورردی.
عارفنینگ کوزلری غم-غصه گه توله. او ایکّی یاشیدن بیری آنهسینی کورمهگن. عارفنینگ آنهسی روسیه گه ایشلش اوچون کېتیش گه مجبور بولگن. تورت ییل دوامیده باله آنهسینینگ یوزی و آوازینی اونیتمسلیک اوچون اونی فقط ویدیو علاقه آرقهلی کورهدی.
بیزلرنینگ فیسبوک صحیفهمیزگه باش اورینگ!
«آییمنینگ هیدینی اونیتیب قویدیم… اونی جوده ساغیندیم»، عارفنینگ کوزلری یاشگه تولدی. آنهسی کېتگنیدن بیری بو بیرینچی مراتبه ییغلشی اېدی. باله شو ییللر دوامیده بوتون دردینی، ساغینچینی، یالغیز حسینی ایچیده سقلب کېلر اېدی.
«مینینگ قویلریم، تاووقلریم بار، اولرنی باقهمن، اولر بیلن اوینهی من. اولر مینی آنم حقیده اویلشدن چلغیتهدی، لېکن اېندی بوندهی یشه آلمهی من… کون ساین ساغینچیم کوچهیب، اونی اۉزیمده آرتیق یشیره آلمهی من»، دیب ییغلب یوباردی عارف.
اونگه فقط آنهسینینگ ایلیق قوچاغی کېرهک…
عارف آپهسی بیلن بوویسی قرهماغیده یشهیدی. اولر بیلن بیرگه خالصه و اونینگ بالهلری هم شو حاولیده استقامت قیلهدی.
«بو ییر جوده تار. اۉزیم اوینی قوریب توگهتیش اوچون ایش اېزلب کېتیش گه مجبور، چونکه اونینگ ییری یوق، همهسینی اۉزی قیلیشی کېرهک. بو ییل قیتیب کېلیش گه و باشقه فرزندلرینی تشلب کېتمسلیکّه وعده بیردی» دیېدی عارفنینگ بوویسی.
بیزلرنینگ «ایکس» ترماغی ده هم تعقیب قیلینگ!
اروپا اتفاقی و یونیسف تامانیدن مالیهلشتیریلگن عایله دایرهسیده بالهلرنینگ بوویسیگه آته-آنهلیک کونیکمهلری اورگهتیلدی و شو یاش دهگی بالهلرنی تربیهلش بوییچه مصلحتلر بیریلدی. عایله دولتدن منتظم روشده مادی یاردم آلهدی.
لایحه متخصصلری عارف و اونینگ سینگلیسینینگ ساغلیغی، مکتبدهگی فنلرنی اۉزلشتیریشلرینی کوزهتیب باریشدی. اولر بالهلرنی مکتبدن کېین قۉشیمچه درسلرگه، یوقاری برنامهلر و کلوبلر گه اشتراک ایتیشلریگه یاردم بیردیلر. نتیجهده اولرنینگ بالهلری یخشیلندی.
بالهلر منتظم طبی معاینهدن اۉتکزیلیب، داری-درمان بیلن تأمینلندی. عارفنینگ آپهسی الرژی و عارف اېسه قیتریش (استفراغ) قیلیشدن خلاص بولدی. اجتماعی خادملر اولرنی بالهلر بیرهملریگه تیز-تیز تکلیف قیلیشهدی.
عارف آنهسینی اینتیقلیک بیلن کوتماقده. بونگه جوده آز وقت قالدی.
شو حکایه اروپا اتفاقی و یونیسف تامانیدن مالیهلشتیریلگن «جنوبی-شرقی، جنوبی و مرکزی آسیاده مهاجرتدن جبرلنگن بالهلرنی حمایه قیلیش» منطقهلر ارا لایحهسی دایرهسیده یازیلگن.
اۉگیرووچی: نصرتالله احدی
