انسان حق‌لرینی کوزه‌تووچی تشکیلات، تینچ‌لیک و عیال‌لر موسسه‌سی، جورج تاون بیلیم یورتی و شونینگ‌دیک بیر قنچه نهادلر اوتگن کون بیر تکلیف آرقه‌لی، آق‌سرای‌دن اسلامی امارت حکومتی رسمی‌لری نینگ سفری ممنوعیت معافیتی تمدید ایتیلمسلیگی‌نی سوره‌گن.
اولرنینگ ایتیشیچه، امریکا نینگ اسلامی امارت حکومتی بیلن بولگن علاقه‌سی نینگ مهم موضوع‌لریدن بیری عیال‌لر وضعیتی بولیشی کیره‌ک، چونکه اسلامی امارت حاکمیت‌گه ایریشگندن بویان افغانستان‌ده عیال‌لر و قیزلر شرایطی جده آغیرلشگن.
انسان حق‌لری کوزه‌چی نهادی عیال‌لر بولیمی‌نینگ اورین‌باسری هیدربار سلام‌وطندار بیلن اوتکزگن صحبتیده، اسلامی امارت رسمی‌لری نینگ سفریده چیکلاو یره‌تیلیشی‌نی خواهله‌یدی.
بیزلرنینگ فیسبوک صحیفه‌میزگه باش اورینگ!
اونینگ آرتیق‌لشیچه، اوتگن ایکی کون جریانیده بیرلشگن ملتلر تشکیلاتی تامانیدن اسلامی امارت رسمی‌لری سفری اوچون بولگن چیکلاو اوزه‌یتیریلیشی خصوصیده قرار آلگنی توغریسیده معلومات‌گه قول تاپگن.
هیدربار بیرلشگن ملتلر تشکیلاتی گه اعضا مملکت‌لردن تنقید قیلیب ایتیشیچه، امریکا شامل بو مملکت‌لر اسلامی امارت رسمی‌لری سفرینی آزاد قویماقده، بو ایسه افغانستان ده انسان حق‌لری ایاغ آستی ایتیلیشی و عیال‌لر حق‌لری پامال ایتیلیشی گه توجه سیزلیک‌نی کورسته‌دی.
عین‌حالده، ایریم سیاسی ایش بیلرمان‌لر نینگ سلام‌وطندار گه ایتیش‌لریچه، اسلامی امارت رسمی‌لری نینگ سفری معافیتی تمدید بولمسلیگی مملکت اوستیگه سلبی تأثیر قیلیشی ممکن.
اولرگه کوره، بیرلشگن ملتلر تشکیلاتی اسلامی امارت رسمی‌لری سفری گه چیکلاو یره‌تیش اورنیده اولر بیلن سوزلشیب، افغانستان نینگ آغیر شرایطی‌ده ایچیم یول تاپیش‌لری کیره‌ک.
بیزلرنینگ توییترده هم تعقیب قیلینگ!
بونگه قوشیمچه ایریم سیاسی ایش بیلرمان‌لرنینگ ایشانچ‌گه کوره، اسلامی امارت رسمی‌لری سفری گه چیکلاو یره‌تیش اهالی گه سلبی تاثیر قویه‌دی.
ایتیش کیره‌ک که، اسلامی امارت رسمی‌لریدن ۱۳ ته‌سی گه سفری چیکلاو ۳۰ جوزا، بیرلشگن ملتلر تشکیلاتی نینگ خوفسیزلیک کینگشی تامانیدنُ ینه ایکی آی گه قدر اوزه‌یتیریلگن ایدی و بو زمان ایسه کیله‌سی هفته شنبه کونی یکونلنه‌دی.
