دولت نینگ ملت‌گه حساب بیریش برنامه‌سی دوامیده انسان حقوقی ایرکین کمیسیونی بیر ییل جریانیده قیلگن فعالیت‌لری خصوصیده معلومات بیرگن.
انسان حقوقی ایرکین کمیسیونی اورین باسری نعیم نظری نینگ ایتیشیچه، انتحاری، پارتلش و قوراللی هجوم لر یوز بیرگنیدن سونگ، بونده‌ی واقعه‌لرنی تیکشیریش اوچون کمیسیون‌لر قوریله‌دی، لیکن اوشبو کمیسیون‌لر تیکشیروولری نینگ نتیجه‌سینی اهالی بیلن شریک قیلمه‌یدی.
انسان حقوقی ایرکین کمیسیونی اورین باسری نینگ ایتیشیچه، مذکور کمیسیون‌لرنینگ معلومات‌لرنی اهالی بیلن شریک قیلیش‌لری کیره‌ک.
انسان حقوقی ایرکین کمیسیونی گزارشی‌نی باشقه بیر بولیمیده ایتیلیشیچه، میلادی ۲۰۲۰- ییلده ۵ مینگ و ۱۷۵ زوروانلیک واقعه قید ایتیلگن و بو جمله‌دن ۱ مینگ و ۱۶۷ واقعه‌ده انسان حقوقی نقض قیلینگن.
مذکور زوروانلیک واقعه‌لردن ۱ مینگ و ۹۷۳ ته‌سی عیال‌لرگه قرشی زوروانلیک دیر.
اوشبو کمیسیون مملکتده امنیتی وضعیت یمان بولگنیدن خواطر بیلدیریب ایتیشیچه، ۲۰۲۰- ییلده ۸ مینگ و ۵۰۰ کیشی فرق‌لی واقعه‌لرده هلاک و یره‌لنگن.
اوشبو برنامه‌ده انسان حقوقی ایرکین کمیسیونی اورین باسری نینگ ایتیشیچه، مملکتده امنیتی وضعیت‌لر فاجعه‌لی دیر.
اونینگ هدف‌لی ترورلر کوپهیگنیگه اشاره قیلیب ایتیشیچه، خبرچی‌لر، مدنی فعال‌لر و انسان حقوقی فعال‌لریگه قرشی هجوم‌لر ایکی برابر کوپه‌یگن.
اوشبو کمیسیون حکومتدن امنیتی وضعیت یخشی‌لنیشی و هدف‌لی قتللرگه توسیق بولیش اوچون سعی و حرکت قیلیشی‌نی سوره‌گن.