انسان حقلری ایرکین کمیسیونی، حکومتدن اوتگن کونی کابل غربیده یوز بیرگن هجوم‌نی تیکشیریب و عامل‌لرینی محکمه قیلیش‌نی سوره‌گن.
بوگون “یکشنبه” انسان حقلری ایرکین کمیسیونی نینگ بیر اعلامیه نشر قیلیب ایتیشیچه، اوشبو کمیسیون اختیاریگه قرار تاپگن معلومات‌لرگه کوره، اوتگن کونی صورت تاپگن خودکش هجوم نتیجه‌سیده، ۲۵ اوقووچی هلاک و باشقه ۵۲ اوقووچی یره‌لنگن.
اوشبو کمیسیون، تینچ اهالی اینقسه باله‌لر و عیاللرنینگ هجوم آستیگه قرار بیریلیشیدن خواطر بیلدیریب و زوروانلیکلر کمه‌یتیریلیشی اوستیگه تاکید قیلگن.
انسان حقلری ایرکین کمیسیونی، اوروش طرف‌لریدن اوروش‌نی توخته‌تیب و موجود بولگن جنجللرنی مذاکره یولی آرقه‌لی، حل قیلیش‌لرینی سوره‌گن.
مذکور کمیسیون، بیرلشگن ملتلر تشکیلاتی، افغانستان نینگ خلق ارا حمایتچی‌لری، اسلامی مملکت‌لر و دنیا بوییچه نفوذلی عالم‌لردن افغانستانده دوامی بولگن اوروش‌نی یکونلنتیریش اوچون ایکی تامان اوستیگه فشار کیلتیریش‌لرینی سوره‌گن.