افغانستان دولتی نینگ نماینده‌لری و بو مملکت سیاسی سیمالریدن قطاری، شیرمحمد عباس استانکزی ییتکچیلیگده طالبان هیأتی بیلن تهران ده اوچره‌شگن. مذکور اوچره‌شوو ایران تشقی ایشلر وزیری محمدجواد ظریف نینگ حضوری بیلن صورت تاپگن.
بو اوچره‌شووده جمهوررئیس سابق اورین‌باسری محمدیونس قانونی، تینچلیک ایشلری بوییچه جمهوررئیس نماینده‌سی عبدالسلام رحیمی، افغانستان کابینه‌سی نینگ سابق اعضاسی عبدالکریم خرم و شونینگدیک سیاسی سیمالریدن باشقه بیر قطاری شرکت قیلگن.
قطر ده طالبان سیاسی دفتری سوزلاوچیسی محمد نعیم، سلام‌وطندار بیلن اوتکزگن سوزلشوویده تهران ده افغانستان هیأتی بیلن طالبان هیأتی نینگ اوچره‌شگنی نی تصدیق‌لب و ایتیشیچه، بو سفر ایران نینگ رسمی چقیرووی اساسیده صورت تاپگن.
بیزلرنینگ فیسبوک صحیفه‌میزگه باش اورینگ!
طالبان سیاسی دفتری سوزلاوچیسی گه کوره، ایکی تامان اونملی موضوعلر حقیده بحث و سوزلشه‌دی.
طالبان گروهی سوزلاوچی‌لریدن بیری ذبیح‌الله مجاهد بیر توییت آرقه‌لی یازیشیچه، مذکور اوچره‌شووده مهاجرلر موضوعی و افغانستان و ایران چیگره موضوع‌لری و شونینگدیک افغانستان و منطقه ده خوفسیزلیک و تینچلیک موضوعی حقیده صحبت اوتکزیله‌دی.
- حکمتیار طالبان دن افغانستان‌لیکلرارا سوزلشوولرگه شرکت قیلیش‌لرینی سوره‌گن
- غنی: افغانستان‌لیکلرارا سوزلشوولرنینگ افغانستان ده دوام ایتیشی نی افضل کوره‌من
- غنی: طالبان افغانستان‌لیکلرارا سوزلشوولرگه آمریکا کیلیشوونامه‌سی نینگ اساس قرار بیرگن
- تینچلیک سوزلشوولرنی کیچیکتیریش اوچون قطار کیشیلر بهانه اَختره‌دی
ایران رسانه‌لری نینگ گزارشی اساسیده، بو مملکت تشقی ایشلر وزیری محمدجواد ظریف، اوشبو ییغینده صحبت اوتکزیب و ایتیشیچه، آمریکا افغانستان ده مغلوب بولگن و بو مملکت نینگ ۲۰ ییل‌لیک حضوری کوپینچه بوزمه‌کارلیککه سبب بولگن.
ایسنا خبرگزارلیگی نینگ گزارشی اساسیده، ظریف حاضرگی شرایط ده افغانستان سیاسی رهبرلری و اهالیسی مملکت‌لری نینگ کیله‌جگی اوچون قیین قرارلر آلیشی کیره‌ک دیگن. ایران تشقی ایشلر وزیری افغانستان اوروش دوام تاپیشی نی «ناتوغری» دیگن.
شونینگدیک او افغانستان‌لیکلرارا سوزلشوولر گه قیتیش و سیاسی ییچیم یول اوستیگه اورغوله‌گن. جناب ظریف صحبت‌لری نینگ جریانیده، افغانستان ده اوروش تامان‌لری آره‌سیده‌گی سوزلشوولرگه یاردم بیریش اوچون تهران نینگ تیارگرلیگی نی اعلام قیلگن.
مذکور سفر صورت تاپگن بیرحالده، اوتگن کون افغانستان تینچلیک ایشلری بوییچه قطر خاص نماینده‌سی بن ماجدالقحطانی کابل کیلیب و جمهورلیک ریاست ایکینچی اورین‌باسری محمدسرور دانش بیلن اوچره‌شگن.
بیزلرنینگ توییترده هم تعقیب قیلینگ!
او بو اوچره‌شووده، قطر طالبان گروهی گه اوروش آرقه‌لی افغانستان گه غالب چیقه آلمه‌سلیگی توغریسیده آگاه‌لنتیرگنی نی بیلدیرگن.
شونینگدیک جناب دانش نینگ بو اوچره‌شووده ایتیشیچه، افغانستان حکومتی تینچلیک پروسه‌سی آسان‌لنیشی اوچون قطر دولتی و بیرلشگن ملتلر تشکیلاتی نینگ همکارلیگی نی خوش قرشی‌له‌یدی.