افغانستان ده بیرلشگن ملتلر تشکیلاتی نینگ اورین‌باسرلیک هیأتی دفتری یا-ده یوناما، بوگون بیر اعلامیه ترقه‌تیش بیلن افغانستان ده حربی هجوملر کوپه‌یگنی باعث انسان حقلری جدی شکلده نقض ایتیلیشی نی خواطرلی دیگن.
یوناما نینگ ایتیشیچه، افغانستان ده قتل، آزارلنتیریش و کینگ تبعیض‌لر توغریسیده‌گی گزارشلر، قورقوو و ناتینچلیککه سبب بولگن و بونده‌ی ایش قیله‌دیگن کیشیلر بو توغریده جواب بیریش‌لری کیره‌ک.
افغانستان ده بیرلشگن ملتلر تشکیلاتی نینگ اورین‌باسرلیک هیأت دفتری نینگ اورغولشیچه، افغانستان اهالیسی اینیقسه عیاللر اوتمیش ده جدی تبعیض آستیده قرار تاپگن. شو یوزه‌دن اوروش تامان‌لری انسان حقلری و افغانستان اهالیسی نینگ کرامتی اینیقسه عیاللر و قیزلرگه حرمت بیریش‌لری کیره‌ک.
بیزلرنینگ فیسبوک صحیفه‌میزگه باش اورینگ!
- یوناما: افغانستانده هلاک ایتیله‌دیگن ۱۰ تینچ اهالیدن ۴ ته‌سینی عیاللر و باله‌لر تشکیل بیره‌دی
- یوناما و ناتو، کابل غربیده یوز بیرگن هجوم‌نی “حربی جنایت” عنوان قیلگن
- یوناما ینه بیر مرته افغانستانده زوروانلیکلر توخته‌تیلیشی نی سوره‌گن
- افغانستان ده تینچ‌اهالی تلفات میزانی ۲۹ فایز کوپه‌یگن
عین حالده، یوناما نینگ اورغولشیچه، تینچ‌اهالی گه ضرر ییتیشتیریش نینگ یکونلنتیریش نی یالغیز یولی تینچلیک سوزلشوولری دیر و بو پروسه تکرار کوچلنتیریلیشی کیره‌ک. یوناما گه کوره، ایکی تامان افغانستان اهالیسی نینگ خواطرلریگه سبب بولگن تینچلیک سوزلشوولری و آستقورمه‌لرنینگ سقلش نی اولویت گه قرار بیریش‌لری کیره‌ک.
یوناما نینگ بیانیه‌سیده کیلیشیچه: «افغانستان و اونینگ اهالیسی نی کیله‌جگی توغریسیده خواطرلنگن کیشیلر، تینچلیک سوزلشوولری نینگ اولویت گه قرار بیریب و مملکت آستقورمه‌لری نینگ سقلش گه علاوه، افغانستان اهالیسی نینگ تینچلیگی گه سبب بوله‌دیگن اقدام‌لرگه قول اوریش‌لری کیره‌ک.»
باشقه بیر تاماندن یوناما افغانستان‌لیکلرنینگ تینچ نفس تارتیشی اوچون برچه اوروش تامان‌لریدن قربان هییتی مناسبتی بیلن آتیش کیسین اعلام قیلیش‌لرینی سوره‌گن. یوناما آتیش کیسین نینگ دایمی و معنالی سوزلشووگه سبب بوله‌دی دیگن.
