افغانستان تینچلیگی بوییچه آمریکا خاص نماینده‌سی زلمی خلیل‌زاد، استعفا قیلدی. آمریکا تشقی ایشلر وزیرلیگی بو خبرنی تصدیقله‌گن.
اوتگن کون ۱۸- اکتوبر آمریکا تشقی ایشلر وزیری آنتونی بلینکن، افغانستان تینچلیگی بوییچه آمریکا خاص نماینده‌سی زلمی خلیل‌زاد نینگ استعفا قیلگنیدن خبر بیردی.
جناب بلینکن گه کوره، اونینگ وظیفه‌سینی اورین‌باسری، توماس ویست آلغه آلیب باره‌دی. آمریکا و اونینگ بیرلشیک‌لری، افغانستان طالبان نظارتی گه اوتگنیدن کیین بو مملکت نی ترک قیلدی.
بیزلرنینگ فیسبوک صحیفه‌میزگه باش اورینگ!
افغان-آمریکایی زلمی خلیل‌زاد میلادی ۲۰۱۸- ییل ده آمریکا جمهوررئیسی تامانیدن افغانستان تینچلیگی بوییچه مذکور مملکت خاص نماینده‌سی صفتیده تعیین ایتیلدی و ترامپ نینگ دولتی دن کیین هم جناب بایدن نینگ دولتی گه همکارلیککه دوام بیردی.
۷۰ یاشر خلیل‌زاد افغانستان شمالی مزارشریف شهریده توغیلگن که میلادی ۲۰۰۲- ییل ده طالبان نی قدرت دن توشیریش اوچون جورج بوش نینگ دولتی گه یاردم بیرگن ایدی.