اسلامی امارت تشقی ایشلر وزیرلیگی اعلام قیلگن که، روسیه جمهوررئیسی ولادیمیر پوتین طالبان آتی نی بو مملکت نینگ قاره رویخطی دن چیقاریش اوچون آلگن قرار نی خوشی قرشیله‌یدی.
اسلامی امارت تشقی ایشلر وزیرلیگی سوزلاوچیسی عبدالقهار بلخی، بو موضوع نی اوتگن کیچه بیر توییت آرقه‌لی بیان قیلگن. اونینگ ایتیشیچه، اوروش فصلی یکونله‌نیشی بیلن دنیا مملکت‌لری افغانستان بیلن علاقه‌لریگه ایجابی اوزگریش‌لیکلر کیلتیریشی کیره‌ک.
جناب بلخی نینگ اورغولشیچه، اسلامی امارت دنیا جماعه‌چیلیگی بیلن یخشی علاقه قوریش نی ایسته‌یدی.
بیزلرنینگ فیسبوک صحیفه‌میزگه باش اورینگ!
روسیه جمهوررئیسی ولادیمیر پوتین نیچه کون آلدین ایتگن ایدی که، بو مملکت یقیین کیله‌جکده طالبان نینگ آتی نی بو ملمکت «ترورچیلیک گروه‌لری» نینگ رویخطی دن چیقاریش گه قرار قیلگن.
روسیه ۲۰۰۳- ییل ده طالبان نینگ ترورچیلیک بیر تشکیلات صفتیده تانیگن ایدی. بیراق طالبان قدرت نی قولگه آلمه‌سیدن آلدین، طالبان نماینده‌لری نینگ حضوری بیلن تینچلیک سوزلشوولری نینگ ایکی ییغینی گه میزبان ایدی.
جناب پوتین افغانستان توغریسیده یولگه قوییلگن مسکو ییغینیدن بیر کون کیین بو موضوع نی مطرح قیلگن. اونینگ تأکید قیلیشیچه، افغانستان اجتماعی و اقتصادی قیینچلیک‌لری حل ایتیلیشی اوچون بو مملکت نینگ غربی مملکتلر تامانیدن باغلنگن سرمایه‌لریدن میلیاردلرچه دالری آزاد ایتیلیشی کیره‌ک.
