پاسپورت ریاستی مملکت قندوز، هرات، قندهار، خوست، ننگرهار، پکتیا و بلخ ولایت‌لریده پاسپورت ترقه‌تیش پروسه‌سی باشلنگنیدن خبر بیرگن.
اسلامی امارت پاسپورت ریاست سرپرستی عالم‌گل حقانی، بوگون کابل ده خبری بیر ییغینده، مملکت ۷ ولایتیده پاسپورت ترقه‌تیش پروسه‌سی باشلنگنی کابل ده پاسپورت ریاستیده گاوجوملیک کمه‌یگنی نینگ دلیلی عنوان قیلیب و ایتیشیچه، هر کون ۳ مینگ پاسپورت اوشبو ریاست تامانیدن ترقه‌تیله‌دی و مذکور پروسه نینگ تیزلنتیریلیشی خصوصیده امید‌وارلیکلر بار.
پاسپورت ریاست سرپرستی نینگ کوپه‌یتیریشیچه، پاسپورت ریاستی نینگ فعالیتی قیته باشلنگنیدن کیین، کمیده ۱۰۰ مینگ جلد پاسپورت ترقه‌تیلیب و دولت خزینه‌سی گه ۵۰۰ میلیون افغانی کیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، پاسپورتلر توغریسیده‌گی مش‌مشلر نینگ حقیقتی یوق و شونینگدیک اوشبو ریاست باشقه نیچه آی گچه ینگی پاسپورت چاپ قیلیش گه محتاج ایمس.
پاسپورت ریاست سرپرستی گه کوره، پاسپورت ریاستی نینگ ۹۰۰ مینگ تیار پاسپورتی بار که اونینگ ۶۰۰ مینگی چاپ ایتیلگن و باشقه ۴۵۰ مینگی چاپ ایتیله‌دی.
پاسپورت ریاست مسئوللری نینگ ایتیش‌لریچه، کابل‌ده پاسپورت ترقه‌تیش پروسه‌سی نینگ باشلنگنیدن بویان، قانون گه قرشی اهالی گه پاسپورت توزیع قیله‌دیگن ۴۵ کمیشن‌کار قولگه آلینگن.
