کابل‌ده افغان-جاپان کسل‌خانه‌سی نینگ باش داکتری طارق اکبری نینگ ایتیشیچه، کرونا گه چلینگن کسل‌لرنینگ سانی کوپه‌یماقده.
جناب اکبری نینگ کوپه‌یتیریشیچه، هوا ساووق بولیشی بیلن، کسل‌خانه گه مراجعت قیله‌دیگن کرونا کسل‌لری نینگ سانی کمیده ۱۰فایز کوپه‌یگن، بیراق طبی جهاز اینیقسه اکسیژن کمه‌یماقده.
افغان- جاپان کسل‌خانه‌سی نینگ باش داکتری گه کوره، حاضر اوشبو کسل‌خانه ده کرونا‌گه چلینگن ۶۵ کسل درمان آستیده دیر
جناب اکبری نینگ کوپه‌یتیریشیچه، سونگی پیت‌لرده غزنی نینگ جاغوری تومنیدن کرونا گه چلینگن ۲۴ کیشی بو کسل‌خانه گه مراجعت قیلگن که ۷ کسل دن باشقه برچه‌سی درمانله‌نیب و اوی‌لریگه قیتگن.
اونگه کوره، ساغلیک ایشلاوچی‌لری نینگ معاشی بیریلمه‌گنی موضوعی مسئول نهادلر بیلن شریک قیلینیشی اوچون سعی و حرکت قیلینگن، بیراق حاضرگچه بیر جواب بیریلمه‌گن.
بیزلرنینگ فیسبوک صحیفه‌میزگه باش اورینگ!
هرات ساغلیک ریاستی نینگ مراقبت بولیمی باشلیغی سعید امیر‌نژاد نینگ ایتیشیچه، هوا ساووق‌لیگی باعث کسل‌لردن کوپنچه‌سی کسلخانه‌لرگه مراجعت قیله‌دی و حاضر کرونا گه تیگیشلی کسلخانه‌لرده ۸ کسل درمان آستیده دیر.
اونینگ ایتیشیچه، کرونا نینگ ۴- باسقیچی باشلنگن بیرحالده، بودجه کم‌لیگی باعث، قیشلاق‌لرده کرونا نینگ تیکشیره‌دیگن تیم‌لرنینگ ایش‌لری قیینچلیککه دوچ کیلگن.
اکسیژن و کرونا گه چیلینگن کسل‌لرنینگ دارو‌لرینی کم‌لیگی توغریسیده ساغلیق نی سقلش وزیرلیگی و اسلامی امارت سوزلاوچی‌لری نینگ فکری نی آلیش اوچون سعی و حرکت قیلدیک، بیراق موفق بولمه‌دیک.
