مملکتده آتیشمه و زوروانلیکلر میزانی کوپه‌یشی و شونینگدیک تومن‌لردن قطاری طالبان قولیگه سقوط قیلگن بیرحالده، مهاجرلر وزیرلیگی نینگ سلام‌وطندارگه ایتیشیچه، سونگی ۱۵ کونده ۶ مینگ دن آرتیق عایله اوی‌لرینی ترک قیلیش گه زورلنگن و اولر باشقه تومنلر و قوشنی ولایتلر یا هم تینچ و کتته شهرلرگه انتقال تاپگن.
مهاجرلر وزیرلیگی سوزلاوچیسی اورین‌باسری رضا باهر نینگ ایتیشیچه: «سونگی ۱۵ کونده افغانستان بویلب کمیده ۶ مینگ عایله اوروش و ناتینچلیک باعث یشش منطقه‌لرینی ترک قیلیشگن و آواره بولگنلردن کوپینچه‌سی هلمند، قندوز، بغلان، لغمان و تخار ولایت‌لریدن دیر.»
تورلی ولایت‌لرده بدرغه بولگن کیشیلر یمان بیر وضعیتده حیات کیچیرماقده. اولرنینگ ایتیش‌لریچه، یشش منطقه‌لریده آتیشمه‌لر کوپه‌یگنی و تومن‌لری طالبان نظارتی گه آلینگنی باعث اوی و جایلرینی ترک قیلیب و باشقه ولایتلرگه پناه ایلتیش گه زورلنگن.
بدرغه بولگنلر یشش اوچون توغری ییرلری بولمه‌گنیدن شکایت قیلیب ایتیش‌لریچه، دستلبکی امکانیت‌لرگه قول تاپه آلمه‌ی و کیچه و کوندوز نی خیمه‌لر و کرایی موترلرگه اوتکزه‌دیلر.
بدرغه بولگنلردن بیری گلبدین نینگ ایتیشیچه: «اوروشلر باعث بیزلر آواره بولدیک و حاضر بیر مکتب ده یشه‌یمیز. گرچند دولت بیزلرگه یاردم ییتیشتیردی، بیراق یاردملر ییترلی ایمس، بیزلر یمان بیر شرایط ده حیات کیچیره‌میز.»
عین حالده، طبیعی حادثه‌لرگه قرشی کوره‌ش وزیرلیگی سوزلاوچیسی نینگ اورین‌باسری عبدالسمیع ضربی نینگ ایتیشیچه، بدرغه بولگنلر تورلی ییرلرده جایلشگن و قطار کیشیلرگه هم موقتی باش پناه بیریلگن.
طبیعی حادثه‌لرگه قرشی کوره‌ش دولت وزیرلیگی مسئوللری نینگ ایتیش‌لریچه، اوروش جریان تاپگن ولایت‌لرده عایله‌لر رقمی نی بیللی قیلیش اوچون تیکشیروونی دوامی بار.
طبیعی حادثه‌لرگه قرشی کوره‌ش دولت وزیرلیگی نینگ معلوماتی اساسیده، سونگی بیر آیده کمیده ۲۰ مینگ عایله ییگولیک ماده و باشقه تورلی یاردملر قولگه کیلتیرگن که بو یاردملر ملی و خلق‌ارا نهادلر و طبیعی حادثه‌لرگه قرشی کوره‌ش ولایتی کمیته گه اعضا نهادلر تامانیدن فراهم ایتیلگن.
ایتیش کیره‌ک امنیتی کوچلر و طالبان جنگریلری هر کون آتیشمه‌لردنی دوامی بار و شونینگدیک تورلی ولایت‌لرده تومن‌لردن قطاری طالبان قولیگه سقوط قیلگن.
