آق سرای نینگ اعلام قیلیشیچه، آمریکا و فرانسه جمهوررئیس‌لری تلفنی علاقه قوریش بیلن افغانستان سونگی اوزگریش‌لیکلری خصوصیده سوزله‌شیب و افغانستان گه انسان‌دوستلیک یاردملر دوام تاپیشی و شونینگدیک افغانستان باش‌پناه ایزلاوچی‌لریدن حمایت قیلیش اوستیگه تأکید قیلگن.
آق سرای نینگ اعلامی اساسیده، اوتگن کون آمریکا جمهوررئیسی جو بایدن و فرانسه جمهوررئیسی امانوئل مکرون، تلفنی بیر علاقه قوریش بیلن افغانستان ده ضرر کوره‌دیگن کیشی‌لردن حمایت قیلیش و اولرگه انسان دوستلیک یاردملر ترقه‌تیلیشی نینگ اهمیتی خصوصیده سوزلشگن.
بیزلرنینگ فیسبوک صحیفه‌میزگه باش اورینگ!
آق سرای نینگ ایتیشیچه، آمریکا و فرانسه یشاوچی‌لری نینگ افغانستان دن چیقاریش مذکور تلفنی علاقه نینگ اونملی موضوعی ایکن.
بایدن و مکرون کیلگوسی هفته‌ده افغانستان ده انسان دوستلیک یاردملر اویغون‌لشتیریش اوچون ۷ گروهی نینگ قوشمه حرکتی خصوصیده مجازی ییغین یولگه قوییلیشی نی خوش قرشی‌لگن. ۷ گروهی گه آمریکا، ایتالیا، فرانسه، آلمان، جاپان و کانادا شامل بوله‌دی.