تخار ولایتیدن بیر منبع نینگ سلام‌وطندارگه ایتیشیچه، اوتگن کیچه چال و هزارسموچ تومنلری و بوگون ایرته‌لب ینگی‌قلعه تومنی، آتیشمه یوزبیرمسدن طالبان نظارتی گه اوتگن. منبع گه کوره، امنیتی کوچلر تینچ‌اهالی و حربیلر تلفاتی نینگ آلدینی آلیش اوچون، حربی جهازلری بیلن تینچ بیر ییرده آرتده چیکیلگن.
منبع نینگ کوپه‌یتیریشیچه، شونینگدیک امنیتی کوچلر درقد تومنیدن خواجه بهاءالدین تومنی گه آرتده چیکیلیش‌لری ممکن.
طالبان سوزلاوچیسی ذبیح‌الله مجاهد، ینگی‌قلعه، چال و هزارسموچ تومنلری بو گروه نظارتی گه اوتگنی نی تصدیقله‌گن.
امنیتی مسئوللر حاضرگچه بو توغریده هیچ بیر نرسه دیمه‌گن.
ایتیش کیره‌ک که اوتگن ایکی هفته ده تخار نینگ ۶ تومنی بوتونلی طالبان نظارتی گه اوتگن.
بیزلرنینگ فیسبوک صحیفه‌میزگه هم باش اورینگ!
شونینگدیک شنبه کیچه تخار نینگ بهارک تومنی طالبان قولیگه سقوط قیلدی.
تخار دن بیر منبع نینگ سلام‌وطندارگه ایتیشیچه، بو تومنده ملی خوفسیزلیک و پولیس کوچلری شامل ۷۵ حربی برچه جهازلری بیلن طالبان گروهی گه تسلیم بولگن.
طالبان نینگ ایتیشیچه، امنیتی کوچلردن ۸۰ ته‌سی برچه آغیر و ینگیل قوراللری بیلن بو گروه گه قتنشگن.
سمنگان نینگ دره صوف بالا تومنی طالبان گه تاپشیریلدی
سمنگان ولایتیدن ایشانچلی امنیتی منبعلرنینگ سلام‌وطندارگه ایتیش‌لریچه، دره صوف بالا تومنی هیچ بیر آتیشمه یوزبیرمسدن طالبان گروهی گه تسلیم بولگن.
مذکور منبعلرنینگ ایتیش‌لریچه، مذکور تومنده‌گی دولتی و مردمی کوچلر اوتگن کیچه یریمی ده برچه حربی جهازلری بیلن بامیان کیتگنلر.
بیزلرنینگ توییترده هم تعقیب قیلینگ!
مذکور منبعلرگه کوره، طالبان بوگون ایرته‌لب بو تومنده کیرگن.
مذکور منبعلرگه کوره، طالبان بوگون ایرته‌لب بو تومن گه کیریب و پولیس قومندانلیک بناسینی هم نظارت گه آلگن.
امنیتی مسئوللر دره صوف بالا تومن سقوط قیلگنی توغریسیده هیچ بیر نرسه دیمه‌گن، بیراق طالبان بو تومن نینگ نظارتگه آلگنلری نی تصدیقله‌گن.
ایتیش کیره‌ک که سمنگان نینگ دره صوف پایین تومنی اوتگن کون طالبان نظارتی گه اوتگن ایدی.
