اسلامی امارت رئیس‌الوزراسی نینگ بیرینچی اورین‌باسری ملا عبدالغنی برادر، اوتگن کون افغانستان ملی تلویزیونی بیلن صحبت اوتکزیب ایتیشیچه، اسلامی امارت سابق حکومت سیمالری نینگ نظام گه جای بیریش اوچون هیچ بیر قراری یوق و بو کیشیلر ایسه ینگی نظام نینگ بدنام‌لیگی گه سبب بولیشی ممکن.
او سابق حکومت رسمی‌لری نینگ بیر رویخطی اسلامی امارت گه شامل قیلینیشی اوچون آمریکا تامانیدن اوشبو حکومت رسمی‌لریگه ارایه ایتیلگنی نی تصدیق‌لب بیراق اورغولشیچه، اسلامی امارت حاضرگی سرپرست حکومتی همه‌شمول دیر و برچه قوم‌لر و اقلیت‌لر بو حکومت گه جای بیریلگن.
عین حالده، سیاسی ایش بیلرمانلر اسلامی امارت نینگ اوشبو قراری نی سیاسی عقلانیت گه قرشی دیب و ایتیش‌لریچه، هیچ بیر نظام بوتون یخشی و بوتون یمان بوله آلمه‌یدی و اوتمیش نظام ده هم شایسته کیشیلر بار ایکن.
سیاسی ایش بیلرمان ویس ناصری نینگ ایشانچی گه کوره، قدرت بیر سیاسی جریان نینگ قولیگه بولیشی و باشقه جریانلر چیتلنتیریلیشی هیچ بیر تامان نینگ فایده‌سیگه ایمس و بو یول معقول و منطقی کوریلمه‌یدی.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمانلردن باشقه بیری اکرم عارفی نینگ ایتیشیچه، بوتون یشاوچیلر و دنیا جماعه‌چیلیگی نینگ اساسی شرط‌لریدن بیری، اسلامی امارت تامانیدن همه‌شمول حکومت ایجاد ایتیلیشی دیر که بو ایش بولمه‌گن صورتده، اسلامی امارت رسمیت گه تانیلیشی نینگ آرتده قالیشی و جامعه ده قیینچلیک ایجاد بولیشی گه سبب بوله‌دی.
بونده‌ی بیاناتلر ارایه ایتیلگن بیرحالده، اسلامی امارت نینگ قدرت گه ایریشگنیدن کمیده ۵ آی اوتماقده، بیراق بو حکومت نینگ حاضرگچه هیچ بیر مملکت رسمیت گه تانیمه‌گن. همه‌شمول حکومت ایجاد ایتیلیشی، انسان حقلری تأمین‌لنیشی و عیاللر حقلری نظرگه آلینیشی، اسلامی امارت رسمیت گه تانیلیشی اوچون دنیا جماعه‌چیلیگی تامانیدن شرط قوییلگن. بیراق اسلامی امارت رسمی‌لری هردایم حکومت‌لریده برچه قوم‌لرگه جای بیریلگنی اوستیگه اورغوله‌گن.