شاعر، یازووچی و بیلیم یورت استادی کاظم امینی نینگ قیزی جمعه کونی مزارشریف شهری نینگ ۴- ناحیه‌سیدن اوغیرلنگن ایکن که اوتگن کون ناتانیش تماس‌لر بیلن عایله‌سی آرقه‌لی تاپیلگن.
اوغیرلنگن قیز نینگ آته‌سی کاظم امینی نینگ ایتیشیچه، اونینگ قیزی کیچیک سینگلیسی بیلن جمعه کون خاله‌سی نینگ اویی گه کیتماق نیتیده ایکن، بیراق کیتیش جریانیده اوغیرلنگن و کیچیک قیزی سینگلیسی نینگ اوغیرلنگن خبری نی عایله‌سیگه ییتیشتیرگن.
جناب امینی قیزی نینگ اوغیرلنگنی حادثه‌سینی بیرینچی ده مزارشریف نینگ ایکینچی حوزه‌سی و کیین ایسه تورتینچی حوزه‌سیگه ثبت قیلیب و قیزی نینگ تاپیب بیریش‌لرینی ایسته‌گن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه، شو ایکی اوچ کون جریانیده بیزلرگه پیام یوباره‌دیگن ناتانیش شماره‌لرنینگ ایگه‌لری ۴ یا ۵ آیدن بویان بیزلرگه زنگ اوریب و بیزلرنی آزارلنتیره‌دی ایدی که نهایتده شماره نینگ ایگه‌سی تاپیلیب و حاضر نظارت آستیده قرار تاپگن.
جناب امینی نینگ ایتیشیچه، قیزی نینگ تاپگنیدن کیین طالبان اونینگ قیزی نی اوغیرله‌نیشی گه عیبلب و قیزی نینگ اوغیرلاوچی نینگ نکاح‌سیگه کیلتیریش اوچون باسیم کیلتیرگن، بیراق او بو ایش گه حاضر بولمه‌گن.
جناب امینی گه کوره، اوغیرلاوچی قیزی گه هیچ قنده‌ی ضرر ییتیشتیرمه‌گن، بیراق قیزی دارو ایچیریلگنی و یا پیچکاری قیلینگنی باعث توغری سوزلشه آلمه‌یدی.
بو توغریده مزارشریف شهری نینگ ایکینچی و تورتینچی حوزه مسئوللری نینگ فکرینی آلیش ایسته‌دیک؛ بیراق کوپ سعی و حرکت بیلن موفق بولمه‌دیک.
