۲۰۲۱- ییلده تعلیم و عالی اوقوو افغانستانده اساسی توسیقلر بیلن روپه‌رو بولدی. گرچند ۲۰۲۱- ییل نینگ اپریل آیی‌ده، مکتبلر و بیلیم یورتلر ایکی آی آچیلیب و نورمال شکلده فعالیت قیلدی، بیراق کرونا ویروسی نینگ کوپه‌یگنی تعلیم و عالی اوقوو نینگ عادی پروسه‌سیگه ضرر یتیشتیردی.
شونده‌ی بیرحالده، مکتبلر و بیلیم‌یورتلر اوزاق دن اورگه‌نیش سیستمی نی قول آستیده آلدی و بو سیستم ایسه اوقووچیلر و طلبه‌لرنینگ تنقیدلریگه دوچ کیلدی.
مکتبلر و بیلیم یورتلر ایکی آی تعطیل بولگنیدن کیین، معارف و عالی اوقوو وزیرلیگی جولای آیی‌ده تعلیمی و تحصیلی نهادلر تدریجی شکلده آچیلیشی نی اعلام قیلدی. عین حالده، مملکتده تومنلرنینگ کین‌مه‌کین سقوط قیلیشی دن خبر کیلیدی.
۲۰۲۱- میلادی ییل نینگ ۱۵- اگست آیی یا-ده قویاش جاری ییل نینگ ۲۴- اسد آیی ده مملکت بوتونلی اسلامی امارت نینگ قولیگه توشدی.
اسلامی امارت حاکمیتی نینگ باشیده اوقووچیلر نینگ تحصیلی و تعلیمی برابریده بیللی سیاست نی اعلام قیلمه‌دی، بیراق اولر مملکتده بوتونلی حاکم بولگن‌لریدن کیین، اسلامی امارت نینگ معارف وزیرلیگی بیر بیانیه صادر قیلیش بیلن ایرککلرنینگ ۶- صنف دن یوقاری درس اوقیشی گه رخصت بیردی، اما قیزلرگه رخصت بیریلمه‌دی.
مهربان ۱۲- صنف اوقوچیسی ایکن و او کانکور سیناوی نی اوتکزیش بیلن بیلیم یورت گه باریش نی کوتیب تورگن ایکن. اونینگ ایتیشیچه، کرونا ویروسی نینگ چیققنی و اوندن کیین اسلامی امارت نی حاکم بولگنی، اونینگ بوتون آرزولری نی آلگن.
بیزلرنینگ فیسبوک صحیفه‌میزگه باش اورینگ!
بیرلشگن ملتلر نینگ تعلیمی، علمی و فرهنگی تشکیلاتی یا یونسکو، سپتامبر آیی‌ده اعلام قیلگن که افغانستان تعلیم زمینه‌سیده نسلی فاجعه خطری بیلن روپه‌رو دیر.
اسلامی امارت تامانیدن قیزلرنینگ مکتب گه باریشی گه رخصت بیریلمه‌یشی ملی و خلق‌ارا تنقیدلر بیلن همراه بولدی. ینگی‌لیکده اسلامی امارت قیزلرنینگ مکتب گه کیلیشی اوچون ریجه قول آستیده آلینگنی نی بیان قیلگن.
معارف وزیرلیگ نینگ سابق معینی و تعلیم ایش بیلرمانی صدیق پتمن، ۲۰۲۱- ییلده تعلیم وضعیت نینگ قنده‌لیگی خصوصیده ایتیشیچه: «۲۰۲۱- ییل عیاللر و قیزلر و اینیقسه قیزلر اوچون یخشی بیر ییل ایمس ایدی، چونکه قیزلرنینگ مکتب‌لری تعطیل ایدی و ایرککلرنینگ مکتب‌لری هم اوقیتووچی کم‌لیگی بیلن روپه‌رو ایدی.»
۲۴- اسددن ۴ یریم آی اوتیشی بیلن حاضرگچه، مملکت بوتون بیلیم‌یورت‌لری باغلیق دیر و شونینگدیک اولرنینگ قیته آچیلیشی خصوصیده هیچ بیر خبر قولده یوق.
بیلیم یورت طلبه‌لریدن بیری فایز فراندیش نینگ ایتیشیچه، بیلیم یورتلرنینگ آچیلمه‌یشی اولرنینگ کیله‌جک خصوصیده ناامید قیلگن.
«۲۰۲۱- ییل بیزلر اوچون یخشی بیر ییل ایمس ایدی، بو ییل قیینچلیکلر، قرانغولیکلر و امیدسیزلیک دن تولیق ایدی. بیزلر مقصدلری‌میزگه ایریشه آلمه‌دیک. کرونا باعث بیلیم‌یورتلر باغلندی و سابق نظام نینگ نابود بولگنیدن کمیده ۵ آی اوتماقده.»
اسلامی امارت نینگ عالی اوقوو وزیرلیگی مسئوللری تامانیدن یولگه قوییلگن سونگی ییغینده، اوشبو وزیرلیک سرپرستی بیلیم یورتلرنینگ قیته آچیلیش ریجه‌سی توغریسیده نطق سوزله‌گن.
کیله‌جک ییلده بیلیم یورتلر و مکتبلر فعالیتی گه باشله‌شی و باشلمه‌یشی و شونینگدیک اسلامی امارت نینگ تحصیلی و تعلیمی نهادلر آچیلیشی اوچون نیمه اقدام‌لری بارلیگی حاضرگچه بیللی ایمس.
