بیرلشگن ملتلر تشکیلاتی قاچقینلر ایشلری بوییچه عالی کمیسارینینگ ایتیشیچه، قندوز ده ایچکی آوارهلر و مملکت گه قیتریلگن قاچقینلر اوچون بیر مکتبنینگ قوریلیش ایشینی باشلهگن.
مذکور نهاد، بوگون (۲۸-ثور، یکشنبه)، اکس صحیفهسیده یازیشیچه، اوشبو لایحه اسلامی ترقیات بانکی و سعودی ترقیات صندیغینینگ حمایتی بیلن عملگه آشیریلهدی.
بیزلرنینگ «ایکس» ترماغی ده هم تعقیب قیلینگ!
سکیز درسی صنف نظرگه آلینگن مذکور مکتبده، آوارهلر و مملکت گه قیتریلگن عایلهلرنینگ ۴۷۵ بالهسیگه اوقیش امکانیتی یرهتیلیشی ممکن.
مکتبنینگ تمل تاشینی قوییش مراسمیده محل بویوکلریدن بیرینینگ ایتیشیچه: «بو مکتب جمعیتیمیزده بیر چراغ دیر. فرزندلریمیز حاضر قوش آستیده قالمهیدی.»
بیزلرنینگ فیسبوک صحیفهمیزگه باش اورینگ!
دههلر ایچکی اوروش، هوا اوزگریشلری و اقتصادی ثباتسیزلیک سبب، افغانستان ۴.۲ میلیون ایچکی آواره گه ایگه بولیش بیلن ۲۰۲۴-ییلده، دنیا ده ایچکی آوارهلرگه ایگه بولگن بیشینچی اوریننی ایگهلهگن.
شونینگدیک، افغانستان چیتایلگه یوقاری درجهده مهاجرت قیلیش بیلن روپهره بولیب، ایران و پاکستان دن افغانستانلیک قاچقینلرنینگ قیتریلیشی، حیاتنینگ دستلبکی امکانیتلری جملهدن تعلیم، باشپنه و ایش امکانیتلری یرهتیلیشیگه نیازی بار.
