بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف)، دایکندی ده ۱۷ مکتب بناسینی قوره‌دی.
افغانستان‌ده یونیسف مرکزی زون باشلیغی ۱۹-حمل، یک‌شنبه کونی دایکندی حاکمی بیلن اوچره‌شووده، بو تشکیلات اوشبو ییل ده مذکور ولایت بویلب ۱۷ مکتب بناسینی قوریشیدن ایشانچ بیلدیرگن.
بیزلرنینگ فیسبوک صحیفه‌میزگه باش اورینگ!
دایکندی حاکمی مطبوعاتی دفتری، خانم آن کیندراچک دن نقل قیلیب، بو تشکیلات ساغلیق، توییب آوقت‌لنیش، تعلیم و تربیه، اجتماعی مصئونیت و شاشیلینچ احوال‌لرده مذکور ولایت‌ده بویوک لایحه‌لرنی تطبیق اېتیش اوچون ریجه‌سی بارلیگینی معلوم قیلگن.
او، دایکندی محلی مسئوللریدن اوشبو لایحه‌لرنی عملگه آشیریش و باله‌لرنی قۉللب-قوتلش ده یونیسف بیلن همکارلیک قیلیش‌لرینی اېسته‌گن.
شونینگدیک اوشبو اوچره‌شووده، دایکندی حاکمی نجیب‌الله رفیع، اوشبو ولایت‌ده تورلی ساحه‌لر اینیقسه تعلیم و تربیه بولیمیده یونیسف نینگ فعالیت‌لریدن منتدارلیک بیلدیریب و بو تشکیلات مکتب قوریش و ساغلیق مرکزلرنی قۉللب-قوتلش و اساسی آست قورمه‌لرنی توزه‌تیش ایشلری گه دوام بیریشینی سۉره‌گن.
بیزلرنینگ «ایکس» ترماغی ده هم تعقیب قیلینگ!
رفیع جنابلری، مذکور ولایت محلی مسئوللری برچه ساحه‌لرده یاردم بیرووچی نهادلر جمله دن یونیسف بیلن همکارلیک قیلیشیدن ایشانچ بیرگن.
معلومات‌لر اساسیده، دایکندی ولایتی بویلب مکتب‌لر نینگ قریب یریمی بنا‌سیز دیر و اوقووچیلر خیمه‌لر و آچیق فضاده درس اوقیماقده‌لر.
