هلمند ده‌گی سوداگرلردن بیری محمدعیسا عمری، اوشبو ولایتده ۷۰۰ سرپرست‌سیز و آته‌لرینی قولدن بیرگن باله‌لر اوچون مکتب قورگن.
اونگه کوره، اوشبو مکتب ده ۷۰۰ اوقووچی سیغه‌دی و اوی‌لری اوزاق بولگن ۳۰۰ اوقووچی اوچون یاتاقخانه نظرگه آلینگن.
محمدعیسا عمری نینگ ایتیشیچه: «اوشبو مکتب ده ۷۰۰ اوقووچی سیغه‌دی و مکتب دن اوی لری اوزاق بولگن ۳۰۰ اوقووچی اوچون یاتاقخانه، آوقات و کییم‌کیچک نظرگه آلینگن. شهر ایچیده تیریکچیلیک قیله‌دیگن اوقووچیلر گه ترانسپورت نظرگه آلینگن.»
بیزلرنینگ فیسبوک صحیفه‌میزگه باش اورینگ!
اوشبو مکتب ده تعلیم زمینه‌سی یره‌تیلگن باله‌لر نینگ ایتیشلریچه، ایریم قیینچیلیکلر سبب عایله‌لری اولر نینگ اوقیشی اوچون زمینه یره‌ته آلمس ایدی.
اوقووچیلردن اولیا گه کوره: «آتم فوت قیلگن و بوندن آلدین اوقیمه‌گنمن. حاضر ینگی مکتب قوریلگن درس اوقیه آله‌من.»
اوقووچیلردن باشقه بیری شریف‌الله نینگ ایتیشیچه: « آتم فوت قیلگن و بوندن آلدین اوقیمه‌گنمن. حاضرگی ینگی مکتب قوریلگن درس اوقیه آله‌من. بو عمری خصوصی مکتبی دیر.»
هلمند یشاوچیلری نینگ ایتیشلریچه، مذکور ولایتده حاضر هم آته‌لری فوت قیلیب و سرپرست‌سیز کوپ سانده باله‌لر بار که مکتب باریش دن محروم دیر.
اولر سوداگرلر و ملی سرمایه یاتقیزووچیلردن، سرپرست‌سیز باله‌لر تعلیم نعمتیدن بهره‌مند بولیش اوچون اولر گه تعلیم شرایطینی یره‌تیشنی طلب قیله‌دی.
بیزلرنینگ توییترده هم تعقیب قیلینگ!
هلمند یشاوچیلریدن علی اخلاقی گه کوره: «باشقه سوداگرلردن بو گَل مکتب قوریشنی ایسته‌یمن؛ چونکه ایتیم و سرپرست‌سیز باله‌لر اوچون بو گَل مکتب‌لر جوده هم مهم، قنچه کوپ بولسه اوشنچه یخشی دیر.»
عین‌حالده، هلمند معارف ریاستی مسئوللری، اوشبو ولایتده خصوصی مکتب‌لر قوریلیشینی اونملی بیلیشه‌دی.
هلمند معارف باشلیغی اورین باسری محمداسماعیل سعادت نینگ کوپه‌یتیریشیچه: «هلمند ده ۳۶ خصوصی مکتب فعال دیر بو ولایتده تعلیم و باله‌لر تربیه‌سی اوچون کوپ یاردم بیره‌دی. مذکور مکتب‌لرده قریب ۳۰۰ اوقیتووچی مصروف دیر.»
ایتیش کیره‌ک که، هلمند ده سونگی اوروش‌لر سبب، قطار یاش‌لر و ییگیت‌لر تعلیم نعمتیدن محروم بولگنلر.
