هرات خوفسیزلیک مسئوللری گه کوره، اوشبو ولایت ده قوراللی ایکی اوغری بیر عایله نینگ ایکی اعضاسینی اولدیریب و مذکور عایله نینگ باشقه بیر اعضاسینی یره‌لنتیرگنلر.
هرات امنیه قوماندان‌لیگی نینگ مطبوعات آمری عبدالله انصاف نینگ سلام‌وطندار گه ایتیشیچه، چهارشنبه کونی، ۲۲ سنبله، توش دن کیین ساعت ۱:۳۰ اطرافی ده، اوزلرینی استخبارات کوچلری تانیشتیرگن ایکی کیشی، هرات «مناره‌لر» منطقه‌سیده بیر اوی نی تلاشی قیلیش قصدی بولگن پیتده، عایله اعضالر نینگ قرشی‌لیگی بیلن روپه‌ره بولگنلر.
بیزلرنینگ فیسبوک صحیفه‌میزگه باش اورینگ!
هرات امنیه قوماندان‌لیگی مطبوعات آمری نینگ کوپه‌یتیریشیچه، اوی ایگه‌سی نینگ قرشی‌لیگیدن کیین، قوراللی اوغریلر اونی بیز قیزی بیلن اولدیریب و باشقه بیر قیزینی یره‌لنتیرگنلر.
هرات امنیه قوماندان‌لیگی مطبوعات آمری گه کوره، اوغریلر واقعه دن کیین قاچگن؛ بیراق خوفسیزلیک کوچلر واقعه گه دایر تیکشیریش‌لرنی باشله‌گنلر.
هرات ده‌گی محلی منبع‌لر نینگ ایتیشلریچه، محمدایوب اسملی مقتول مذکور ولایت نینگ غوریان تومنی اصلی یشاوچیسی بولگن.
بیزلرنینگ توییترده هم تعقیب قیلینگ!
ایتیش کیره‌ک که، قوراللی ناتانیش کیشی‌لر نیچه کون آلدین اوشبو ولایت ده بیر سینگیل و ایناغه‌سینی اولدیرگن بیرحالده مذکور واقعه یوز بیرگن.
