هرات ایش و اجتماعی ایشلر ریاستی نینگ فن و کسب بولیمیدن فارغ بولگنلر، بوگون (شنبه، ۵-قوس) هرات ولایتی‌ده قول صناعت و ایچکی تولید‌لری نی نمایش قویگنلر.
هرات ولایتی‌ده یولگه قوییلگن مذکور اوچ کون‌لیک کورگزمهدن مقصد، عیاللر تامانیدن ایشلب چیقاریله‌دیگن محصول‌لر نینگ رواجلنیشی و اوشبو محصول‌لر گه یخشی بازار تاپیش دییلگن.
بیزلرنینگ توییترده هم تعقیب قیلینگ!
هرات ده فن و کسب بولیمیدن فارغ بولگنلردن بیری فاطمه محمدی، مذکور کورگزمه گه لبنیات محصول‌لری نی نمایش گه قوییگن دیر. اونینگ ایتیشیچه، بو کبی کورگزمه‌لر نینگ یولگه قوییش عیاللر نینگ قول صناعتی بیلن ایچکی تولید‌لری نینگ رواجلنیشی خصوصیده فایده‌لی بولیشی ممکن.
خانم محمدی نینگ کوپه‌‌یتیریشیچه: «مذکور یولگه قوییلگن کورگزمه یالغیز مینی اوچون ایمس، بلکیم باشقه عیاللر اوچون هم یخشی بولگن و مذکور عیاللر اوی‌ده قیلگنلری ایشلری نی جمله‌دن قول صناعت و کییم ایشلب چیقاریش کبی نرسه‌لری نی اوشبو کورگزمه‌ده ساتیش گه قوییشلری ممکن. یعنی عیاللر گه ایش زمینه‌سی نی یره‌تگنلر و شونینگدیک بوگون یولگه قوییلگن کورگزمهدن خورسند‌مین.»
مذکور کورگزمه گه شرکت قیلگنلردن قطاری نی عیاللر تشکیل بیره‌دی که اوشبو کورگزمه‌ده قول صناعتلری، لبنیات و حکاکی‌لری نی نمایش گه قویگنلر.
مذکور کورگزمه گه شرکت قیلگنلر مسئوللردن کوپراق محصول‌لری گه بازار تاپیلیشی اوچون اولردن حمایت قیلیشلری نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، هرات ایش و اجتماعی ایشلر ریاستی مسئوللری نینگ ایتیش‌لریچه، اولر فن و کسب تعلیمی برنامه‌لر گه کوپراق عیاللر و ییگیت‌لر نی جذب قیلیش و اولر گه ایش زمینه‌سی نی فراهم قیلیش اوچون سعی و حرکت قیله‌دیلر.
هرات ایش و اجتماعی ایشلر ریاستی مسئوللری گه کوره، جاری ییل نینگ باشیدن حاضرگچه قریب بیر مینگ کیشی اوشبو ولایت‌ده فن و کسب دوره‌لریدن فارغ بولگن و ۲۵۰۰ عیال و ایرکک ایسه فن و کسب اورگن‌ماقده.
