هرات و غور محلی مسئوللری نینگ ایتیش‌لریچه، مذکور ولایت‌لرده یوز بیرگن سووتاشقین‌لری حادثه‌سیده ۱۹ کیشی جان بیرگن.
هرات حاکمی سوزلاوچیسی جیلانی فرهاد نینگ ایتیشیچه، اوتگن کیچه بو ولایت نینگ ادرسکن تومنیده سووتاشقین‌لری حادثه‌سیده بیر عیال و ۴ باله شامل، ۱۲ کیشی جان بیرگن. اونگه کوره، حاضرگچه ۴ کیشی نینگ جسدی انیق‌لنگن.
هرات حاکمی سوزلاوچیسی نینگ کوپه‌یتیریشیچه، مذکور سووتاشقین‌لری حادثه‌سیده مالی ضررلر و اویلر تخریب بولیشی گه علاوه، ۳۰۰ قوی هم هلاک بولگن.
شونده‌ی بیرحالده، هرات طبیعی حادثه‌لرگه قرشی کوره‌ش ریاست مسئوللری نینگ ایتیش‌لریچه، اوتگن کیچه بو ولایت نینگ اوبه، چشت، پشتون‌زرغون، گذره، انجیل، کرخ، ادرسکن، شیندند، زنده‌جان، غوریان، و گلران تومن‌لریده یوزبیرگن سووتاشقین‌لری ایکینچیلیک ییرلر، یشش اویلر، سوو قودوق‌لری و باغ‌لرگه جدی ضرر ییتیشتیرگن.
هرات طبیعی حادثه‌لرگه قرشی کوره‌ش ریاستی نینگ مالی و اداری عمومی مدیری رویا حمیدی نینگ سلام‌وطندارگه ایتیشیچه، اوتگن ۲۴ ساعت ده هرات ولایتی اوبه تومنی نینگ «گردان» قیشلاغیده یوزبیرگن سووتاشقین‌لریده، ۱۰ چوپان باله ۸۰۰ قوی بیلن درک‌سیز یوقالگن.
خانم حمیدی گه کوره، شونینگدیک اوبه تومنیده هم اونلرچه یشش اوی، ایکینچیلیک ییرلر و باغلر تخریب بولگن. خانم حمیدی نینگ کوپه‌یتیریشیچه، شونینگدیک چشت تومنیده ۱۰ قیشلاق سوو آستیده قالگن که بو قیشلاق نینگ اوزاقلیگی و طالبان حضوری باعث اونینگ جانی تلفاتی دن گزارش بیریلمه‌گن.
هرات طبیعی حادثه‌لرگه قرشی کوره‌ش ریاستی نینگ مالی و اداری عمومی مدیری نینگ ایتیشیچه، اوتگن کوندن بویان یاردم بیرووچی نهادلر و تیم‌لر و حادثه‌لرگه قرشی کوره‌ش ریاستی نینگ هیأتی ضرر کورگن تومن‌لرگه یوباریلگن و ضرر کورگن عایله‌لرنینگ رویخطی تیارلنگنیدن کیین اولرگه یاردم بیریله‌دی.
باشقه بیر تاماندن غور طبیعی حادثه‌لرگه قرشی کوره‌ش ریاست باشلیغی جمعه خان باحتری نینگ ایتیشیچه، بو ولایتده سوو تاشقین‌لری نتیجه‌سیده ۵ کیشی ساغر تومنیده و باشقه ایکی کیشی ایسه شهرک تومنیده جان بیرگن. جناب باختری نینگ کوپه‌یتیریشیچه، سونگی سووتاشقین‌لری حادثه‌لریده ۱۵۰ اوی بو ولایت نینگ باشقه ۷ تومنیده ویران و شونینگدیک ۷۵۰ دن آرتیق چاروا هم تلف بولگن.
غور طبیعی حادثه‌لرگه قرشی کوره‌ش باشلیغی گه کوره، مذکور سووتاشقین‌لر ایکینچیلیک کاناللر، میوه باغ‌لری و اونلرچه جریب ایکینچیلیک ییرلرنی تخریب قیلگن. غور محلی مسئوللری گه کوره، اولر سووتاشقین‌لریدن ضرر کورگن کیشی‌لرگه یاردم بیریش پروسه نی باشله‌گن.
