قطار میدیالر نینگ معلوماتی اساسیده، هرات محلی مسئوللری، اوشبو ولایت بیلیم یورتی نینگ ینگی لوحه‌سینی یالغیز «هرات پوهنتونی» عنوانیده نیچه ییل دن سونگ قوندیرگنلر.
معلومات‌لر اساسیده، هرات بیلیم یورتی نیچه ییل دن بویان، «دانشگاه» و «پوهنتون» سوزلری اوستیده‌گی جنجل باعث لوحه‌سیز ایدی.
ینگی‌لیکده هرات محلی مسئوللری، مذکور ولایت بیلیم یورتی ایشیگیده ینگی لوحه‌نی یالغیز «هرات پوهنتونی» عنوانیده قوندیرگنلر.
بیزلرنینگ فیسبوک صحیفه‌میزگه باش اورینگ!
اوتمیش ده «دانشگاه» سوزی ایریم قرشی‌لیکلر بیلن روپه‌ره بولیب و حتا طلبه‌لر اورته‌سیده فیزیکی تارتیشووگه سبب بولگن ایدی.
گزارش‌لر گه بناً، سونگی ییل‌لرده «دانشگاه» سوزی گه طرفدار کیشیلر، «پوهنتون» سوزی بیلن لوحه قوندیریلیشی گه رخصت بیرمه‌ی و هرات بیلیم یورتی لوحه‌سیز ایدی.
اسلامی امارت مملکت نینگ قطار دولتی بیلیم یورت‌لر لوحه‌لریدن «دانشگاه» سوزینی حذف قیلیب و اورنیده «پوهنتون» سوزینی قوللـه‌گن.
بیزلرنینگ توییترده هم تعقیب قیلینگ!
یوکسک اوقوو وزیرلیگی نینگ ایتیشیچه، مملکت نینگ تحصیلات قاعده‌لریده یالغیز «پوهنتون» ذکر بولگن و «دانشگاه» سوزی یوق دیر.
