مملکت جنوبی حوزه‌سیده افغان تیلیکام مخابراتی شرکت مسئوللری نینگ ایتیش‌لریچه، هلمند مرکزی‌ده ۶ مکتب و اوشبو ولایت تومنلریده‌گی مکتبلردن قطاری گه فایبر نوری یولیدن انترنتی خذمت‌لر نی عرضه قیلیش اوچون برنامه‌لر نی قولگه آلگنلر.
مملکت جنوبی حوزه‌سیده افغان تیلیکام پروژه مسئولی عتیق‌الله رحیمی نینگ ایتیشیچه، اوشبو اقدام‌دن مقصد هلمند ده‌گی مذکور مکتب‌لر اوقووچیلری نینگ باشقه ولایت‌لر و دنیا بیلن وصل قیلیش دیر.
بیزلرنینگ فیسبوک صحیفه‌میزگه باش اورینگ!
هلمند حاکمی اورین‌باسری حزب‌الله، لشکرگاه شهریده یولگه قوییلگن اوشبو برنامه نینگ افتتاحیه ییغینی‌ده ایتیشیچه، مکتب‌لر‌ده انترنتی خذمت‌لر مدرن نیازلردن دیر. او اوقووچیلردن ینگی فرصت‌لر‌دن قوللنیب، تعلیمی پروسه نی اوقووچیلر گه امکانیتی‌گچه یخشی قیلیش نی ایسته‌یدی.
شونده‌ی بیرحالده، لشکرگاه شهریده «بیتون علی» لیسه مدیری محمد بشیر، اوشبو اقدام‌دن خوش قرشی‌لب و اونینگ کوپ اونملی دیگن. اونینگ اورغولشیچه، بوندن بویان اوقووچیلر باشقه ولایت‌لر و دنیا بیلن وصل بوله آله‌دیلر و بو یول‌دن امکانیت و ظرفیت‌لری خصوصیده ایجابی اوزگریش‌لر کیتیریشلری ممکن.
بیزلرنینگ توییترده هم تعقیب قیلینگ!
بو بیرینچی مرته دیر که، هلمند مکتب‌لری گه فایبر نوری یولیدن انترنتی خذمت‌لر ییتیشه‌دی، لیکن اوشبو ولایت یشاوچیلری نینگ ایتیش‌لریچه، ییل‌لردن بویان انترنتی خذمت‌لر و مکالماتی ترماق‌لر خصوصیده‌گی شکایت‌لری نی حل قیلمه‌گنلر.
