اسلامی امارت رهبری هبت‌الله آخوندزاده اسلامی امارت اعضالریگه ینگی بیرپیام یوله‌ب ۱۴ ماده‌لیگ کورستمه ارائه قیلگن دیر. اوشبو کورستمه‌ده اسلامی امارت برچه اعضالریدن قوم پرست‌لیک، منطقه پرست‌لیک و تعصب‌دن کیسکین قول تاریتیشلرینی سوره‌گن.
هبت‌الله آخوندزاده اسلامی امارت اعضالریگه تاکید قیلگن دیر که برچه ایشلرده برابرلیک و انصاف‌دن ایش آلیب و ایشانچ سیزلیکنی اورته‌ده کیلتیروچی عمل‌لردن پرهیز قیلیشلرینی سوره‌گن.
بیزلرنینگ فیسبوک صحیفه‌میزگه باش اورینگ!
اسلامی امارت رهبری نینگ کوپه‌یتیریشیچه، افغانستان نینگ مصیبت کورگن خلقی‌گه یخشی‌لیک قیلیب، برابرلیک و ایشانچ فضاسینی یره‌تینگلر.
اوشبو کورستمه نینگ باشقه بیربولیمی‌گه کیلیشیچه، اسلامی امارت اعضالری اوز آره‌لریگه امرمعروف و نهی منکر فریضه‌سی نی اونوتمس‌دن نمازلرینی جماعت‌ده ادا قیلسین‌لر.
شونینگدیک کبر و غرور، ظلم، بیت‌المال گه خیانت قیلیش و باشقه‌لرنینگ اموریگه اره‌لشیش مسلیک اسلامی امارت رهبری هبت‌الله آخوندزاده نینگ اسلامی امارت اعضالریگه بیرگن بویروغ وکورستمه‌لریدن دیر.
بیزلرنینگ توییترده هم تعقیب قیلینگ!
اسلامی امارت نینگ قوم پرست‌لیک و تبعیض‌دن قول تارتیش توغریسیده‌گی کورستمه‌سی شونده‌ی بیرحالده مطرح بولگن دیر که نیچه کون آلدین فارسی واژه‌لرنینگ لوحه‌لردن کوتاریش جریانیدن آلینگن ویدیولر اجتماعی ترماقلرگه قولمه – قول بولگنی کوپینچه فارسی تیل‌گه سوزلاوچی کیشی‌لرنینگ تنقید و عکس‌العمل‌لرگه سبب بولگن ایدی.