پاکستان نینگ تشقی ایشلری بوییچه دولت وزیری حنا ربانی کهر بیر هیئت ییتکچیلیگیده کابل گه کیلیب، مملکت تشقی ایشلر وزیرلیگی نینگ سرپرستی امیرخان متقی بیلن اوتکزگن ملاقاتیده، کابل و اسلام‌آباد نینگ همکارلیگی اوستیگه تأکید ایتگن. حنا ربانی ییتکچیلیگیده پاکستان هیئتی، بوگون ایرته‌لب (سه‌شنبه، ۸ قوس) کابل گه ییتیب کیلگن.
تشقی ایشلر وزیرلیگی نینگ سوزلاوچیسی ضیااحمد تکل اوز توییتری ده یازیشیچه، پاکستان هیئتی بیلن اوچره‌شگن امیرخان متقی، قوشنی ایکی مملکت مناسبتی مستحکم‌لنیشینی اوشبو اولکه‌لر نینگ اهالیسی و منطقه منفعتیگه دیگن.
تشقی ایشلر وزیرلیگی سوزلاوچیسی نینگ اورین باسری گه کوره، مذکور وزیرلیک نینگ سرپرستی پاکستان هیئتی بیلن، مذکور مملکتده افغان زندانی‌لری قوییب یوباریلیشی، مهاجرلر گه قولی‌لیک یره‌تیش و شونینگدیک سوداگرلیک و ترانزیت اوستیگه بحث ایتگن.
بیزلرنینگ فیسبوک صحیفه‌میزگه باش اورینگ!
ضیااحمد تکل نینگ کوپه‌یتیریشیچه، امیرخان متقی تاپی، تاپ، تیمیر یولی و باشقه پروژه‌لر باشله‌نیشی اوچون تیارگرلیک کورستگن.
تشقی ایشلر وزیرلیگی سوزلاوچیسی نینگ اورین باسری گه کوره، پاکستان هیئتی افغان مهاجرلری بیلن «یخشی رفتار» قیلیش، یولاوچیلر و ویزه قیینچیلیکلری حل ایتیلیشی اوچون یاردم بیریشیدن وعده بیرگن.
پاکستان هیئتی نینگ ایتیشیچه، افغانستان بیلن سوداگرلیک و ترانزیت کوچه‌یشی اوچون سعی و حرکت قیلیش‌لریدن ایشانچ بیلدیرگن.
حنا ربانی کهر گه کوره، افغانستان و پاکستان؛ مسلمان و قوشنی ایکی مملکت دیر، «ایکی مملکت نینگ دولت‌لری بیر_بیری گه یاردم بیریب و منفعت‌لریدن حفاظت قیلیش‌لری کیره‌ک.»
اوتگن کون پاکستان میدیالری، حنا ربانی کهر ییتکچیلیگیده پاکستان هیئتی، ایرته (سه‌شنبه، ۸ قوس) کابل گه سفر قیلیشیدن خبر بیرگن ایدیلر.
بیزلرنینگ توییترده هم تعقیب قیلینگ!
اسلام امیرلیگی سوزلاوچیسی ذبیح‌الله مجاهد اوتکن کیچه اوز توییتریده، ایرته پاکستان دولتی نینگ یوقاری مرتبه‌لی بیر هیئتی کابل گه کیلیشینی معلوم قیلگن ایدی. جناب مجاهد اوز توییتریده اوشبو هیئت ایکی مملکت نینگ اقتصادی و سیاسی مناسبت‌لری اوستیگه بحث ایتیش‌لری ممکن دیب یازگندی.
معلومات‌لر اساسیده، حنا ربانی کهر بیرینچی مراتبه ۲۰۱۲_ییلی پاکستان تشقی ایشلر وزیری ایدی، کابل گه کیلیب و مملکت نینگ سابق جمهور باشلیغی حامد کرزی بیلن اوچره‌شگندی.