سمنگان ولایتی امنیه قوماندان‌لیگی نینگ جنایی جرم‌لر گه قرشی کوره‌ش مدیریتی مسئوللری، اوشبو ولایت نینگ دره‌ی صوف پایین تومنی حدودلریده یوک تاشووچی بیر موتر نینگ هیداوچیسی اولدیریلگنیدن خبر بیره‌دیلر.
اسلام امیرلیگی اقتصادی اورین باسرلیگی نینگ دفتری گه کوره، اوتگن نیچه آی ده افغانستان فضاسیدن اوچاق‌لر نینگ اوتیب قیتیشی کوپه‌یگن.
افغانستانده قزاقستان نینگ سابق ایلچیسی، تاجیکستان ده هرات خوفسیزلیک ییغیلیشیده ایتیشیچه، اوشبو مملکت افغانستان وضعیتی خصوصیده خلق‌ارا ییغیلیش گه میزبان‌لیک قیلیشنی ایسته‌یدی.
غزنی معارف ریاستی نینگ تدریسی اورین باسری میرنصیراحمد حسینی نینگ سلام‌وطندار گه ایتیشیچه، اوشبو پول اسلام امیرلیگی رهبری نینگ فرمانی اساسیده، غزنی ده‌گی دینی مدرسه‌لر گه اختصاص بیریلگن و قریب ۸۵ فایزی توزیع بولگن.
«امام علی» انسان پرور بنیادی نینگ مالی یاردمی بیلن، بوگون (سه‌شنبه، ۸ قوس) کابل ده ۵۵ جفت نینگ توپلم توی بولیب اوتگن.
پاکستان نینگ تشقی ایشلری بوییچه دولت وزیری حنا ربانی کهر بیر هیئت ییتکچیلیگیده کابل گه کیلیب، مملکت تشقی ایشلر وزیرلیگی نینگ سرپرستی امیرخان متقی بیلن اوتکزگن ملاقاتیده، کابل و اسلام‌آباد نینگ همکارلیگی اوستیگه تأکید ایتگن. حنا ربانی ییتکچیلیگیده پاکستان هیئتی، بوگون ایرته‌لب (سه‌شنبه، ۸ قوس) کابل گه ییتیب کیلگن.
هرات خوفسیزلیک مذاکره‌لر نینگ اونینچی ییغیلیشی، افغانستان استراتیژیک مطالعه‌لر انستیتوتی میزبان‌لیگی بیلن «برچه شمول سیاسی توزوم و یول خریطه‌سی» عنوانیده بوگون (سه‌شنبه، ۸ قوس)، تاجیکستان پایتختی دوشنبه شهری ده باشلندی.
قول ساتووچیلیک بیلن حیات کیچیریب کیله‌یاتگن کابل یشاوچیلریدن بیر قطاری، اقتصادی قیینچیلیکلریدن نالیدیلر. اولر نینگ ایتیشلریچه، قول ساتووچیلیک درآمدلری بیلن، یشش اوی‌لرینی ایسیتیش اوچون تاش کومیر و یاغاچ ساتیب آلیشگه کوچلری ییتمه‌یدی.
بادغیس ده‌گی محلی منبع‌لر نینگ ایتیشلریچه، اوشبو ولایتده قوراللی نامعلوم کیشی‌لر بیر عادی اهالینی اوققه توتیب اولدیرگن. اوتگن کون (دوشنبه، ۷ قوس)، شام چاغی اوشبو کیشی قادس تومنی «خواجه پسته» قیشلاغیدن «خاک پولک» قیشلاغی تامان باریش چاغیده واقعه یوز بیرگن.
افغانستان مرکزی بانکی اوز توییتری ده یازیشیچه، افغانستان گه چیت ایل مملکت‌لر نینگ انسان پرورلیک یاردم‌لری دوام ایتر ایکن بوگون (سه‌شنبه، ۸ قوس)، ۴۰ میلیون دالرلیک نقدی یاردم کابل گه ییتیب کیلگن.
زابل ساغلیق‌نی سقلش ریاست مسئوللری نینگ ایتیشلریچه، اوشبو ولایت نینگ سیور تومنیده ۲۰۰ باله «کوک یوتل» کسل‌لیگیگه چلینگن و اوشبو کسللیککه چلینگن ایکی باله جان بیرگن.
اولکه تشقی ایشلر وزیرلیگی اوز توییتری ده یازیشیچه، بوگون (سه‌شنبه، ۸ قوس) حنا ربانی کهر ییتکچیلیگیده پاکستان‌لیک هیأت کابل گه ییتیب کیلگن و اولکه تشقی ایشلر وزیرلیگی نینگ سرپرستی امیرخان متقی بیلن اوچره‌شیش مقصد، تشقی ایشلر وزیرلیگی تامان حرکت قیلگن.
عیال حقوقی فعالی وحیده عدالت‌جو نینگ ایتیشیچه، آلتینچی صنف دن یوقاری قیزلر گه مکتب باریش رخصتی بیریلمسلیگیدن آلیب دولت اداره‌لریدن عیال ایشلاوچیلری نینگ ایش دن بوشه‌تیلیشی، عیاللر گه دم آلیش پارک‌لر و سپورت کلوب‌لریده باریش رخصتی بیریلمسلیک چیکلاولری یره‌تیلگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
