«امام علی» انسان پرور بنیادی نینگ مالی یاردمی بیلن، بوگون (سه‌شنبه، ۸ قوس) کابل ده ۵۵ جفت نینگ توپلم توی بولیب اوتگن.
«امام علی» انسان پرور بنیاد مسئولی احمدعلی احمدی گه کوره، یاشلر نینگ توی قیلیشی اوچون ناقانونی مصرف و جمعیتده‌گی رسم_رواج‌لر گه چیک قوییش مقصدیده اوشبو جفت‌لر نینگ توپلم تویینی اوتکزگن.
او نینگ ایتیشیچه: «۵۵ جفت توپلم شکلده توی قیلیشدی و اوشبو برنامه ده ۲۸ مینگ دالر صرفلنگن و شونینگدیک، هر جفت‌لیک اوچون اوی امکانیت‌لری نظرگه آلینگن.»
بیزلرنینگ فیسبوک صحیفه‌میزگه باش اورینگ!
قول ساتووچیلیک بیلن حیات کیچیریب کیله‌یاتگن کیاولردن بولمیش زمان نیوتن گه کوره، اقتصادی قیینچیلیک، یوقاری خرجت و جمعیتده‌گی رسم_رواج‌لر یاشلر نینگ توی قیله آلمسلیک قیینچیلیکلریدن سنله‌دی.
اونینگ کوپه‌یتیریشیچه: «بازار ده قول ساتووچیلیک قیله‌من، قشاق‌لیک باعث انچه ییل دن بیری توی قیله آلمسدیم. توی قیلیش اوچون اهالی آره‌سیده کوپ ناقانونی رسم و رواج‌لر موجود.»
عین‌حالده، اوشبو مراسمده‌گی مهمان‌لردن چمن‌علی الله‌داد گه کوره، عایله‌لر فرزندلری نینگ توی‌لریده کوپ مصرف قیلمسلیکلری کیره‌ک.
بیزلرنینگ توییترده هم تعقیب قیلینگ!
اونگه کوره: «مملکت بویلب قشاق‌لیک میزانی کوپه‌یماقده و حاضرگی کیسکین شرایط ده اهالی اقتصادی قیینچیلیک بیلن روپه‌ره دیر.»
عین‌حالده، یاشلردن قطاری توی‌لرده‌گی آغیر خرجت‌لر باعث توی قیله آلمه‌ی و بیرقطاری ایسه عایله اعضالری نینگ خواهش_اراده‌سی گه ماس توی قیلیش اوچون ییل‌لر نشانلی قاله‌دیلر و توی خرجت‌لرینی تأمینلش اوچون چیت ایلگه باریب مردکارلیک قیلیشه‌دی.
